ସାରସକଣା: ଏମିତି ବି ମୃତ୍ୟୁ ଆସିଥାଏ, ଶୁଣିଲେ ବି ଆପଣ ଆଶ୍ଚର୍ଯ୍ୟ ହେବେ! ଏମିତି ଆଶ୍ଚର୍ଯ୍ୟ ଜନକ ଘଟଣା ଘଟିଛି ମୟୂରଭଞ୍ଜ ଜିଲ୍ଲା ଅନ୍ତର୍ଗତ ଝାରପୋଖରୀଆ ଥାନା ଅଞ୍ଚଳରେ । ଜିଲ୍ଲା ଦେଇ ଯାଇଥିବା ୪୯ନମ୍ବର ଜାତୀୟ ରାଜପଥରେ ୩ କିମି ଦୂର ଜାଲଦା ନିକଟସ୍ଥ ଏକ ଢାବାରେ ଜଣେ ଟ୍ରକ ଡ୍ରାଇଭରଙ୍କ ମୃତ୍ୟୁ ହୋଇଥିବାର ଜଣାଯାଇଛି । ଘଟଣାସ୍ଥଳରୁ ପ୍ରକାଶ ଯେ ଡ୍ରାଇଭର ଜଣକ ସେହି ଢାବା ନିକଟରେ ଟ୍ରକ ଠିଆ କରି ଢ଼ାବାକୁ ଆସିଥିଲେ । ସେଠାରେ ସେ ପାଣି ପିଇବା ପାଇଁ ମାଗିଥିଲେ । କିନ୍ତୁ ପାଣି ପିଇସାରିବା ପରେ ପାଖରେ ଥିବା ଖଟିଆରେ ପଡିଯାଇଥିଲେ । ସେଠାରେ ଉପସ୍ଥିତ ଥିବା ଲୋକମାନେ ଆବାକ ହୋଇଯାଇଥିଲେ, ଏବଂ ସେ ଚାଳକ ଜଣକୁ ଡାକ ପକାଇଥିଲେ, କିନ୍ତୁ ସେ କିଛି ଶୁଣି ନଥିଲେ । ସେତେବେଳକୁ ସେମାନେ ଜାଣିବାକୁ ପାଇଥିଲେ ଯେ ଚାଳକ ଜଣକ ପ୍ରାଣବାୟୁ ଉଡିଯାଇଛି । ଚାଳକଙ୍କ ଏ ଅବସ୍ଥା ଦେଖି ଲୋକମାନେ ନିକଟସ୍ଥ ଥାନାକୁ ଖବର ଦେଇଥିଲେ । ଖବର ପାଇ ସଦଳବଳେ ପୋଲିସ ଘଟଣାସ୍ଥଳରେ ପହଂଚିଥିଲେ । ପ୍ରାଥମିକ ତଦନ୍ତରୁ ମୃତକଙ୍କ ନାମ ଆନନ୍ଦ ବୋଲି ଜାଣିବାକୁ ମିଳିଥିଲା ।