ଭୁବନେଶ୍ୱର,୪ ।୬(ନି.ପ୍ର.): ପୂର୍ବତନ ବିଧାୟକ ତଥା ବିଜୁ ଜନତା ଦଳର ବରିଷ୍ଠ ନେତା ବିପିନ୍ ଦାଶ କଂଗ୍ରେସରେ ଯୋଗ ଦେଇଛନ୍ତି ।
ପ୍ରଦେଶ କଂଗ୍ରେସ କାର୍ଯ୍ୟାଳୟରେ ପିସିସି ସଭାପତି ନିରଞ୍ଜନ ପଟ୍ଟନାୟକ ଉପସ୍ଥିତିରେ ପୂର୍ବତନ ବିଧାୟକ ଶ୍ରୀ ଦାଶ ଯୋଗ ଦେଇଥିଲେ । ଏହି ଅବସରରେ ଶ୍ରୀ ପଟ୍ଟନାୟକ କହିଲେ ଯେ ଶ୍ରୀ ଦାଶଙ୍କ ଘରବାହୁଡ଼ା ହୋଇଛି । ଶ୍ରୀ ଦାଶଙ୍କୁ ପୁଷ୍ପଗୁଚ୍ଛ ଓ ଉତରୀୟ ପ୍ରଦାନ କରି କଂଗ୍ରେସ ଦଳରେ ଗ୍ରହଣ କରାଯାଇଥିଲା ।
ଏହି କାର୍ଯ୍ୟକ୍ରମରେ ଜଟଣୀ ବିଧାୟକ ସୁରେଶ କୁମାର ରାଉତରାୟ, ପୂର୍ବତନ ଅର୍ଥମନ୍ତ୍ରୀ ପଂଚାନନ କାନୁନଗୋ, ଓଡ଼ିଶା କଂଗ୍ରେସ ପ୍ରଶିକ୍ଷଣ ପ୍ରଭାରୀ ଶୁଭେନ୍ଦୁ ମହାନ୍ତି, କଂଗ୍ରେସ ନେତା ଜ୍ଞାନଦେବ ବେଉରା, ସୋସିଆଲ ମିଡ଼ିଆ ଅଧ୍ୟକ୍ଷ ଅଭିଷେକ ମହାନନ୍ଦ ଉପସ୍ଥିତ ଥିଲେ ।
ସୁଚନାଯୋଗ୍ୟ, ଶ୍ରୀ ଦାଶ କଂଗ୍ରେସରେ ଯୋଗ ଦେବା ସହିତ ଏହା ତାଙ୍କର ନିଜ ଘରକୁ ଫେରିବା ବୋଲି କହିଥିଲେ ।