ଭୁବନେଶ୍ୱର: ଭୁବନେଶ୍ୱର ନିକଟସ୍ଥ ବାଲିଅନ୍ତା ବ୍ଲକ ଅନ୍ତର୍ଗତ ସତ୍ୟଭାମାପୁର ସରକାରୀ ଉଚ୍ଚ ବିଦ୍ୟାଳୟର ଆଦର୍ଶ ପ୍ରଧାନ ଶିକ୍ଷକ ନାରାୟଣ ବେହେରାଙ୍କୁ ଭୁବନେଶ୍ୱରର ଅଗ୍ରଣୀ ସାମାଜିକ ଅନୁଷ୍ଠାନ ଆଦିଶକ୍ତି ·ରିଟେବୁଲ ଟ୍ରଷ୍ଟ ତରଫରୁ କରୋନା ଯୋଦ୍ଧା ସମ୍ମାନରେ ସମ୍ମାନିତ କରାଯାଇଛି । ସମ୍ପ୍ରତି ରାଜ୍ୟରେ କରୋନା ମହାମାରୀ ଯେଉଁଭଳି ଭାବରେ ଆତଙ୍କ ଖେଳାଇ ଲୋକଙ୍କ ମନରେ ଭୟ ସୃଷ୍ଟି କରିଛି, ସେ ସବୁକୁ ଦୂର କରିବା ପାଇଁ ଶ୍ରୀ ବେହେରା ଅହରହ ଉଦ୍ୟମ କରି ଆସୁଛନ୍ତି । କରୋନା ମହାମାରୀରୁ ରକ୍ଷା ପାଇବା ପାଇଁ ଲୋକମାନଙ୍କୁ ମାଗଣାରେ ମାସ୍କ, ସାନିଟାଇଜର, ସାବୁନ, ହ୍ୟାଣ୍ଡୱାସ ବଣ୍ଟନ କରିବା ସହିତ ସମାଜରେ ବାସ କରୁଥିବା ଅସହାୟ, ଭୂମିହୀନ, ଗରିବ ଓ ଦିନ ମଜୁରିଆଙ୍କୁ ଭେଟି ସେମାନଙ୍କୁ ରାସନ ସାମଗ୍ରୀ ଯଥା ଚୁଡ଼ା, ·ଉଳ, ଡ଼ାଲି, ଫୁଟଣ, ହଳଦୀ, ଆଳୁ, ତେଲ, ପିଆଜ ଓ ଅନ୍ୟାନ୍ୟ ସାମଗ୍ରୀ ପ୍ରଦାନ କରିଥିଲେ ।