ଚମ୍ପୁଆ : ଚମ୍ପୁଆ ବ୍ଲକ ବ୍ରହ୍ମପୁର କରଞ୍ଜିଆ ପଞ୍ଚାୟତ ଅନ୍ତର୍ଗତ କାଟୁଳିକନାଠାରେ ଆଜି ଏକ ଡିଜିଟାଲ ଡିସପେନସରି ର ଉଦଘାଟନ ହୋଇଯାଇଛି । ଗ୍ରାମାଞ୍ଚଳରେ ସ୍ଵାସ୍ଥ୍ୟ ସେବା ଯୋଗାଇ ଦେବା ସକାଶେ ରାଜ୍ୟ ସରକାରଙ୍କ ଅନୁମୋଦନ ଓ ଜିଲ୍ଲା ଖଣିଜ ପାଣ୍ଠି ସହାୟତାରେ ନିର୍ମିତ ଏହି ଔଷଧାଳୟ ନିପଟ ମଫସଲର ରୋଗୀମାନଙ୍କ ପାଇଁ ବରଦାନ ସାବ୍ୟସ୍ତ ହେବ । ଆଜି ଏହି ଚିକିତ୍ସାଳୟକୁ ଉଦଘାଟନ କରିଥିଲେ କରଞ୍ଜିଆ ପଞ୍ଚାୟତର ସରପଞ୍ଚ ସୁପ୍ରିୟା ମୁଣ୍ଡା । ଅନ୍ୟମାନଙ୍କ ମଧ୍ୟରେ ନାଏବ ସରପଞ୍ଚ ମମତା ମହାନ୍ତ, ସମାଜସେବୀ ଡାଵର ମୁଣ୍ଡା,ଜେଇ ଅଜୟ ବେହେରା ଓ ଗ୍ରାମବାସୀମାନେ ଉପସ୍ଥିତ ଥିଲେ ।ଏହି ସ୍ଵାସ୍ଥ୍ୟ କେନ୍ଦ୍ରରେ ଫାର୍ମାସିଷ୍ଟ ଭାବେ ସୁନୀତା ମହାନ୍ତ, ଜିଏନଏମ୍ ଵିଶିକେସନ ମହାନ୍ତ,ଏଲଟି କଳ୍ପଲତା ବିନ୍ଧାଣି ଏବଂ ସହାୟକ ଷ୍ଟାଫ୍ ଭାବେ ଶୈଳେଶ ଚନ୍ଦ୍ର ମହାନ୍ତ ପ୍ରମୁଖ କାର୍ଯ୍ୟରେ ଯୋଗ ଦେଇଛନ୍ତି । ଡାକ୍ତର ନଥିଲେ ମଧ୍ୟ ଆବଶ୍ୟକ ସ୍ଥଳେ ଡାକ୍ତରଙ୍କ ପରାମର୍ଶ ଅନୁଯାୟୀ ରୋଗୀଙ୍କୁ ଔଷଧ ଯୋଗାଇ ଦିଆଯାଇଥାଏ । ହାତ ପାଆନ୍ତିରେ ସ୍ଵାସ୍ଥ୍ୟ ସେବା ପାଇଁ ଗ୍ରାମବାସୀମାନେ ନିଜକୁ ଧନ୍ୟ ମନେ କରିବା ସହ ପ୍ରଶାସନକୁ ଧନ୍ୟବାଦ ଦେଇଛନ୍ତି ।