ନିଆଳି- କଟକ ଜିଲ୍ଲା ସଦର ଥାନା ମହୁରା ପ୍ରାଥମିକ ସ୍କୁଲରେ ବୁଧବାର ଏକ ହତ୍ୟାକାଣ୍ଡ ଘଟିଛି । ଡିଉଟିରେ ଥିବାବେଳେ ଜଣେ ନର୍ସଙ୍କୁ ଛୁରି ଭୁସି ହତ୍ୟା କରାଯାଇଛି । ତେବେ ଏହି ହତ୍ୟାକଣ୍ଡ ଊକ୍ତ ନର୍ସଙ୍କ ସ୍ୱାମୀ ଘଟାଇଛନ୍ତି । ସୂଚନାଅନୁସାରେ , ନର୍ସ ଜଣଙ୍କ ମହୁରା ସ୍କୁଲରେ ଗର୍ଭବତୀ ମହିଳାଙ୍କୁ ଟୀକା ଦେବାକୁ ଯାଇଥିଲେ । ଟୀକା ଦାନ କାର୍ଯ୍ୟ ଚାଲଇଥିବାବେଳେ ଅଚାନକ ନର୍ସଙ୍କ ସ୍ୱାମୀ ସେଠାରେ ପହଂଚି ଛୁରୀରେ ଆକ୍ରମଣ କରିଥିଲେ । ମହିଧରପଡା ମେଡିକାଲରେ ସମ୍ପୃକ୍ତ ନର୍ସ ଜଣଙ୍କ କାର୍ଯ୍ୟରତ ଥିଲେ । ଘଟଣା ସ୍ଥଳରେ ନର୍ସଙ୍କ ମୃତ୍ୟୁ ହୋଇଥିବା ବେଳେ ଅଭିଯୁକ୍ତ ସ୍ୱାମୀକୁ ଲୋକେ କାବୁ କରିଛନ୍ତି । ପୁଲିସ ଘଟଣା ସ୍ଥଳରେ ପହଂଚି ତଦନ୍ତ ଆରମ୍ଭ କରିଛି ।