ଭୁବନେଶ୍ୱର: ଆଜି ସାମ୍ବାଦିକ ଅରୁଣ କୁମାର ଦାଶ କାର୍ ଧକ୍କାରେ ଆହତ ହୋଇଛନ୍ତି । କଟକର ଏକ ଘରୋଇ ନର୍ସିଂ ହୋମ୍ରେ ଚିକିତ୍ସିତ ହେଉଥିବା ତାଙ୍କ ନିଜ ଗ୍ରାମବାସୀଙ୍କୁ ଦେଖା କରିବାକୁ ଭୁବନେଶ୍ୱରରୁ ଯାଇଥିଲା ବେଳେ ଏପରି ଘଟିଛିି । ତାଙ୍କଠାରୁ ମିଳିଥିବା ସୂଚନା ଅନୁଯାୟୀ ଏସସିବି ମେଡିକାଲ ଓ ମେଡିକାଲ କଲେଜ ପଛପଟ ରାସ୍ତାଦେଇ ସେ ରାଣୀହାଟ ଆସୁଥିଲା ବେଳେ ପଛପଟୁ ଏକ କାର୍ ଆସି ତାଙ୍କ ଡାହାଣ ପଟ ପାଦ ଉପରେ ଚଢ଼ିଯିବା ସହ ଶ୍ରୀ ଦାଶ ତଳେ ପଡି ଯାଇଥିଲେ ଓ ପାଦ ଖଣ୍ଡିଆ ଖାବରା ହୋଇଯାଇଥିଲା । ଆଖପାଖ ଲୋକ କାର୍ ପଛେଇ ନେବାକୁ ଚିଲାଇବା ପରେ ଗାଡିଟି ପଛକୁ ଫେରିଥିଲା । ମୁକ୍ତବୃତ ସାମ୍ବାଦିକ ତଥା ‘ନ୍ୟାୟବତୀ’ଡାକ ସଂସ୍କରଣର ଅନରାରୀ ବାର୍ତା ସଂପାଦକ ଶ୍ରୀ ଦାଶ ଏହାପରେ ଭୁବନେଶ୍ୱର ଆସି ତାଙ୍କ ହାଉସ୍-ଡକ୍ଟରଙ୍କୁ ଦେଖାଇ ପାଦ ଚିକିତ୍ସା କରିଥିବା ପ୍ରକାଶ । କାର୍ ନମ୍ବର ହେଲା, ଓଆର-୦୨ ଏବି-୫୩୩୩ ଓ ଏହି ଗାଡିଟି ଜଣେ ଡାକ୍ତରଙ୍କର ବୋଲି ଜାଣିବାକୁ ମିଳିଛି ।