ଚମ୍ପୁଆ: ଦୃଢ଼ଇିଛା ଶକ୍ତି ଓ ଅଧ୍ୟବସାୟ ବଳରେ ଚଳିତ ବର୍ଷ ହାଇ ସ୍କୁଲ ପରିକ୍ଷାରେ କାଶିପାଳ ପଞ୍ଚାୟତ ହାଇ ସ୍କୁଲର ଛାତ୍ରୀ ହରପ୍ରିୟା ମହାନ୍ତ ମୋଟ ୫୫୦ ନମ୍ବର ରଖି ବ୍ଲକରେ ଟପର ହୋଇ ପାରିଛନ୍ତି । ଚମ୍ପୁଆ ବ୍ଲକ ଚନ୍ଦ୍ରଶେଖରପୁର ପଞାୟତର ଏକ ଅନାମଧେୟ ଗାଁ ସିଲିପୁଂଜି । ବାପା ଚନ୍ଦ୍ରଭାନୁ ମହାନ୍ତ ଓ ମାତା ପଦ୍ମାବତୀ ମହାନ୍ତଙ୍କ ଝିଅ ହରପ୍ରିୟା ।ବାପା ପରିବା ବ୍ୟବସାୟ କରୁ ଥିବା ବେଳେ ମା ଗୃହିଣୀ, । ତାଙ୍କ ସଫଳତାର ଶ୍ରେୟ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟତ୍ରୀ ଓ ବାପା ମାଙ୍କ ପ୍ରେରଣା ଓ ଆର୍ଶିବାଦ ଯୋଗୁଁ ସମ୍ଭବ ବୋଲି କହିଛନ୍ତି । ଟିଉସନ ନକରି ବିଦ୍ୟାଳୟର କୋଚିଂ ଓ ଶିକ୍ଷକମାନଙ୍କର ସଠିକ ମାର୍ଗ ଦର୍ଶନ ତାଙ୍କୁ ଏହି ସଫଳତା ଆଣି ଦେଇଛି । ସେ ପ୍ରତିଦିନ ୧୩ ଘଂଟା ଧରି ପରିଶ୍ରମ କରୁଥିବା କହିଛନ୍ତି । ଆଗାମୀ ଦିନରେ ଜଣେ ଡାକ୍ତର ହୋଇ ଗ୍ରାମାଞଳର ଗରିବ ଲୋକମାନଙ୍କର ସେବା କରିବା ପାଇଁ ସେ ଲକ୍ଷ୍ୟ ରଖି ଥିବା ପ୍ରକାଶ କରିଛନ୍ତି । ବିଦ୍ୟାଳୟର ପ୍ରଧାନ ଶିକ୍ଷକ ଚର୍ତୁଭୁଜ ମହାନ୍ତ ଓ ସମସ୍ତ ଶିକ୍ଷକଙ୍କ ପ୍ରେରଣାା ଓ ଆଶୀର୍ବାଦ ଯୋଗୁଁ ଏହା ସମ୍ଭବ ହୋଇ ପାରିଛି ।