କେସିଙ୍ଗା: କଳାହାଣ୍ଡି ଜିଲ୍ଲା କେସିଙ୍ଗା ପୋଲିସ ଏସ୍ଡିପିଓ ଭାବେ ୨୦୧୭ ମସିହାର ମହିଳା ଆଇପିଏସ୍ ଅଫିସର ଏସ.ସୁଶ୍ରୀ ଯୋଗ ଦେଇଛନ୍ତି । ପୂର୍ବତନ ଏସ୍ଡିପିଓ ଗୁପ୍ତେଶ୍ୱର ଭୋଇ ଗୁରୁବାର ତାଙ୍କୁ ଦାୟିତ୍ୱ ହସ୍ତାନ୍ତର କରିଛନ୍ତି । ସୂଚନାଯୋଗ୍ୟ ଯେ, ୨୦୧୭ ମସିହାରେ ସିଭିଲ୍ ସର୍ଭିସ ପରୀକ୍ଷାରେ ୧୫୧ ରେଙ୍କରେ ସର୍ବକନିଷ୍ଠ ପ୍ରାର୍ଥୀନୀ ଭାବରେ ସେ ପ୍ରଥମ ଚେଷ୍ଟାରେ ଉର୍ତ୍ତୀର୍ଣ୍ଣ ହୋଇଥିଲେ । ଜଣେ ମେଧାବୀ ଛାତ୍ରୀ ହୋଇଥିବାରୁ କୋଚିଂ ନକରି ମଧ୍ୟ କୃତିତ୍ୱ ହାସଲ କରିଥିଲେ । ସେ କେରଳର କୋଲାମ ସହରର ଅବସରପ୍ରାପ୍ତ ସିଆର୍ପିଏଫ ଓ ଏସ୍ପିଜି ଅଫିସର ପିଟି ସୁନିଲ କୁମାରଙ୍କ ଝିଅ । ଗତ ୨୦୦୮ ମସିହାରେ ତାଙ୍କ ବାପା ପୂର୍ବତନ ପ୍ରଧାନମନ୍ତ୍ରୀ ଡା. ମନମୋହନ ସିଂହଙ୍କ ସୁରକ୍ଷା ଦାୟିତ୍ୱରେ ଥିଲେ ।