ବାଲିକୁଦା: ଘରେ କେହି ନଥିବା ବେଳେ ଘରର ତାଲା ଭାଙ୍ଗି ଚୋର ମାନେ ଘରେ୪ ପସି ଘରର ସମସ୍ତ ଜିନିଷ ପତ୍ର ସମେତ ଘରେ ଥିବା ରୂପା ଅଳଙ୍କାର ଓ ପିତଳ ବାସନ ସବୁ ଚୋରୀ ହୋଇଛି । ଏଭଳି ଘଟଣା ବାଲିକୁଦା ଥାନା ଅନ୍ତର୍ଗତ ଆମ୍ବଶାଳ ପଞ୍ଚାୟତ ମଣ୍ଡକେଶ୍ୱର ଗାଁରେ ଘଟିଛି । ଉକ୍ତ ଗାଁର ବିଭୁପ୍ରସାଦ ବେହୁରା ଜଣଏେ ଉଚ୍ଚ ପଦସ୍ଥ ଅଧିକାରୀ ଭାବେ ଭୂବନେଶ୍ୱରରେ ଚାକିରି କରୁଥିବା ବେଳେ ପୁରା ପରିବାର ସହ ସେ ଭୂବନେଶ୍ୱରରେ ରୁହନ୍ତି । ମଝିରେ ମଝିରେ ଘରୁ ଦେଖା ଶୁଣା ପାଇଁ ସମୟ ପାଇଲେ ଆସି ଗାଁରେ ବୁଲି ଯାଆନ୍ତି । ଏଭଳି ପରିସ୍ଥିତିରେ ଘରେ କେହି ନଥିବାର ସୁଯୋଗ ନେଇ ଚୋର ମାନେ ଘରର ତାଲା ଭାଙ୍ଗି ଘରୁ ଚୋରୀ କରି ନେଇଛନ୍ତି । ଏମିତି ଶନିବାର ଶ୍ରୀ ବେହୁରା ଘରକୁ ଆସିଥିବା ସମୟରେ ଏଭଳି ଘଟଣା ଦେଖି ବାଲିକୁଦା ଥାନାରେ ଲିଖିତ ଅଭିଯୋଗ କରିଛନ୍ତି । ଅଭିଯୋଗକୁ ଭିତ୍ତି କରି ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।