ଭୁବନେଶ୍ୱର – ଓଡିଶା ପୁଲିସ କ୍ରାଇମବ୍ରାଂଚର ଏସ୍ଟିଏଫ୍ ଟିମ୍ ର ପ୍ରାୟ କୋଟିଏ ଟଙ୍କା ମୂଳ୍ୟର ତିନି କୁଇଂଟାଲ ରତ୍ନପଥର ଜବତ କରିଛି । ତେବେ ଏହି ଘଟଣାରେ ସଂପୃକ୍ତ ଥିବା ବ୍ୟକ୍ତିକୁ ଗିରଫ କରାଯାଇ ଜୁନାଗଡ ଥାନାରେ ଏକ ମାମଲା ରୁଜୁ କରାଯାଇଛି । ମୁଖ୍ୟତଃ ୩୦୨.୧୮ କିଲୋ ଓଜନର ରୁବି ଓ ପାନ୍ନା ଭଳି ଦାମୀ ପଥର ଜବତ ହୋଇଛି । ତେବେ ମୁଲ୍ୟବାନ ରତ୍ନପଥର ଚୋରାଚାଲାଣ ହେଉଥିବାର ନେଇ ଏସ୍ଟିଏଫ୍ ଟିମ୍କୁ ବିଶେଷ ସୂତ୍ରରୁ ସୂଚନା ମିଳିଛି । ଏହି ଖବର ପାଇ କ୍ରାଇମବ୍ରାଂଚର ଏସ୍ଟିଏଫ୍ ଟିମ୍ କଳାହାଣ୍ଡି ଜିଲ୍ଲା ଜୁନାଗଡରେ ଚଢାଉ ଆରମ୍ଭ କରିଥିଲା । ଏଥିରେ ସାମିଲ ଥିବା ଜଣେ ବ୍ୟବସାୟୀକୁ ମଧ୍ୟ ପୋଲିସ ଗିରଫ କରିଛି । ଗିରଫ ଅଭିଯୁକ୍ତ ନାମ ସୁଜିତ କୁମାର ମେହର ।