ଯୋଡା: କେନ୍ଦୁଝର ଜିଲ୍ଲା ସୋୟାବାଲି ସ୍ଥିତ ଜିନ୍ଦଲ ସ୍କୁଲର ଛାତ୍ରଛାତ୍ରୀ ମାନେ ସିବିଏସଇ ଦ୍ୱାଦଶ ଶ୍ରେଣୀ ପରୀକ୍ଷାରେ ଅଦ୍ଭୂତପୂର୍ବ ସଫଳତା ଅର୍ଜନ କରିଛନ୍ତି । ସଦ୍ୟ ପ୍ରକାଶିତ ପରୀକ୍ଷାଫଳ ଅନୁଯାୟୀ ବିଦ୍ୟାଳୟର ବିଜ୍ଞାନ ତଥା ବାଣିଜ୍ୟ ବିଭାଗରେ ମୋଟ ୫୫ ଜଣ ଛାତ୍ରଛାତ୍ରୀ ପରୀକ୍ଷା ଦେଇ ଶତପ୍ରତିଶତ ସଫଳତା ହାସଲ କରିଛନ୍ତି । ବାଣିଜ୍ୟ ବିଭାଗର ଛାତ୍ରୀ ତବସୁମ ପରବିନ ସର୍ବାଧିକ ୯୬.୮ ପ୍ରତିଶତ ନମ୍ବର ରଖିଥିବା ବେଳେ ବିଜ୍ଞାନ ବିଭାଗର ଛାତ୍ରୀ ଏ,.ଜାହ୍ନବୀ ସର୍ବାଧିକ ୯୫.୬ ନମ୍ବର ରଖିଛନ୍ତି । ଉଭୟ ବିଭାଗରେ ୧୩ ଜଣ ଛାତ୍ରଛାତ୍ରୀ ୯୦ ପ୍ରତିଶତରୁ ଉଦ୍ଧ୍ୱର୍ ନମ୍ବର ରଖି ପ୍ରଶଂସାର ପାତ୍ର ସାଜିଛନ୍ତି । ଛାତ୍ରଛାତ୍ରୀଙ୍କର ଏହି ସଫଳତା ପାଇଁ ବିଦ୍ୟାଳୟ ପରିଚାଳନା ସମିତିର ଅଧ୍ୟକ୍ଷ ସୁରେଶା.ଜି,ସଂଯୋଜକ ଅର୍ଜୁନ ସାରସ୍ୱତ,ବିଦ୍ୟାଳୟ ପରିଚାଳନା ସମିତିର ସଦସ୍ୟ ବୃନ୍ଦ,ଶିକ୍ଷକ ଶିକ୍ଷୟତ୍ରୀ,ଛାତ୍ରଛାତ୍ରୀ,ଅଭିଭାବକଗଣ ତଥା ବିଦ୍ୟାଳୟର ଅଧ୍ୟକ୍ଷା ସଂଗୀତାରାଣୀ ଦାସ କୃତୀ ଛାତ୍ରଛାତ୍ରୀ ମାନଙ୍କୁ ଅଭିନନ୍ଦନ ଜଣାଇବା ସହ ସେମାନଙ୍କର ଉଜ୍ଜ୍ୱର୍ଳ ଭବିଷ୍ୟତ କାମନା କରିଛନ୍ତି ।