ବ୍ରହ୍ମପୁର: ଦଶହରା ପୂର୍ବରୁ ବ୍ରହ୍ମପୁର ପୋଲିସକୁ ବଡ ସଫଳତା । ଗତକାଲି ମଧ୍ୟରାତ୍ରରେ କମାପଲ୍ଲୀ ଛକ ନିକଟ ଖଳା ସାହିରେ ଏକ ବଡ ଧରଣର ଜୁଆ ଖେଳ ଉପରେ ବୈଦନାଥପୁର ଥାନା ପୋଲିସ ଚଢଉ କରିଛି । ପ୍ରାୟ ୯୬, ୬୭୦ ନଗଦ ଟଙ୍କା ସହ ତାସ ପକେଟ, ଭର୍ତି ମଦ ବୋତଲ ସହ କିଛି ଦାମୀ ମୋବାଇଲ ଜବତ କରିଛି । ଏହି ଘଟଣାରେ ପୋଲିସ ୨ଜଣଙ୍କୁ ଗିରଫ କରିଛି । ଘର ମାଲିକ ଡି. ଋାମ ଗୋପାଳ ପାତ୍ର ମଧ୍ୟ ଗିରଫ ହୋଇଛନ୍ତି । ରାମଗୋପାଳ ପାତ୍ର ଜଣେ ଓଜନିଆ ଲୋକ ହୋଇଥିବା କାରଣରୁ ପୋଲିସ କିଛି ସମୟ ନାକେଦମ ହେବାକୁ ପଡିଥିଲା । ଘର ମାଲିକଙ୍କ ଓଜନ ପ୍ରାୟ ୧୭୧ କିଲୋ ହେବ ବୋଲି ଜଣା ପଡିଛି ।