ଧାମରା: ସମ୍ବଲପୁର ଜିଲ୍ଲା କୁଚିଣ୍ଡା ନିକଟ ପତ୍ରାପାଲିରେ ଆଜି ରାତି ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ରାସ୍ତା କଡ଼ରେ ଛିଡ଼ା ହୋଇଥିବା ଏକ ଟ୍ରକ୍ ପଛରେ ପିଟି ହୋଇ ୨ ଜଣ ବାଇକ୍ ଆରୋହୀଙ୍କ ମୃତ୍ୟୁ ହୋଇଛି । ମୃତକ ଦ୍ୱୟ ହେଲେ କୁଚିଣ୍ଡା ଥାନା ହାଡ଼ିପାଲି ଗାଁର ଆଶିଷ ଛତ୍ରିଆ ୧୯ ଓ ଘନଶ୍ୟାମ ମିର୍ଦ୍ଧା ୧୮ । କୁଚିଣ୍ଡା ପୋଲିସ ଶବ ଜବତ କରି ତଦନ୍ତ କରୁଥିବା କୁଚିଣ୍ଡା ଥାନାଧିକାରୀ ପ୍ରକାଶ କର୍ଣ୍ଣ ସୂଚନା ଦେଇଛନ୍ତି । ରାତି ପ୍ରାୟ ୭ଟାରେ ଆଶିଷ ଓ ଘନଶ୍ୟାମ ବାଇକ୍ରେ ଯାଉଥିବା ବେଳେ ପତ୍ରପାଲି ଛକ ନିକଟ ଏକ ଢାବା ପାଖରେ ଛିଡ଼ା ହୋଇଥିବା ଟ୍ରକ୍ ପଛରେ ପିଟି ହୋଇଥିଲେ । ଘଟଣାସ୍ଥଳରେ ହେଁ ଉଭୟଙ୍କ ମୃତ୍ୟୁ ହୋଇଥିଲା ।