ରାୟଗଡା : ରାୟଗଡା ଜିଲ୍ଲା ଚାନ୍ଦିଲି ଥାନା ଅନ୍ତର୍ଗତ ଜିିିଲିବାଡ ଗ୍ରାମ ନିକଟରେ ଏକ ଟ୍ରାକ୍ଟର ( ଓଡି୧୮ବି-୬୩୮୮) ମୁନା ହୁଇକା (୨୫) ନାମକ ଜଣେ ବ୍ୟକ୍ତି ଉପରେ ମାଡି ଭାରସାମ୍ୟ ହରାଇ ଓଲଟି ପଡିଥିଲା । ଟ୍ରାକ୍ଟରଟି ଭାରସାମ୍ୟ ହରାଇ ଓଲଟି ପଡିବା ଯୋଗୁଁ ଟ୍ରାକ୍କରେ ବସିଥିବା ଶ୍ରମିକ ମାନେ ମଧ୍ୟ ଆହତ ହୋଇଥିଲେ । ତେବେ ମୁନା ହୁଇକାଙ୍କ ଅବସ୍ଥା ସଙ୍କଟାପନ୍ନ ଥିବାରୁ ତାଙ୍କୁ ତୁରନ୍ତ ରାୟଗଡା ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଥିଲା । ଚିକିତ୍ସାଧିନ ଅବସ୍ଥାରେ ମୁନା ହୁଇକାଙ୍କ ମୃତ୍ୟୁ ଘଟିଥିଲା । ଟ୍ରାକ୍ଟର ଡ୍ରାଇଭରଙ୍କ ବେପରୁଆ ଗାଡି ଚାଳନା ଯୋଗୁଁ ମୁନା ହୁଇକାଙ୍କ ମୃତ୍ୟୁ ହୋଇଥିବା ନେଇ ତାଙ୍କ ଭାଇ ଟୁନା ହୁଇକା ଚାନ୍ଦିଲି ଥାନାରେ ଲିଖିତ ଅଭିଯୋଗ କରିଛନ୍ତି । ଏ ନେଇ ଚାନ୍ଦିଲି ଥାନାରେ ୨୩୪/୨୦ ପ୍ରକାରେ ଏକ ଥାରା ୨୭୪/୩୩୭/୩୦୪ ପ୍ରକାରେ ଏକ ମାମଲା ରୁଜ୍ଜୁ ହୋଇ ଘଟଣାର ତଦନ୍ତ ଆରମ୍ଭ ହୋଇଛି ।