ଭୁବନେଶ୍ୱର: ଡକାୟତି ଯୋଜନା କରୁଥିବା ଦୁଇ ଅଭିଯୁକ୍ତଙ୍କୁ କମିସନରେଟ ପୋଲିସ ସ୍ପେଶାଲ ସ୍କାଡ୍ କାବୁ କରି ଖଣ୍ଡଗିରି ପୋଲିସ ଜିମା ଦେଇଛି । ପୋଲିସ ବୁଧବାର ଅଭିଯୁକ୍ତଙ୍କୁ ଗିରଫ କରିବା ସହ ତାଙ୍କଠାରୁ ଗୋଟିଏ ଦେଶୀ ବନ୍ଧୁକ ଓ ବାଇକ ଜବତ କରି କୋର୍ଟଚାଲାଣ କରିଛି । ଗିରଫ ଅଭିୟୁକ୍ତ ଖୋର୍ଦ୍ଧା ଜିଲ୍ଲା ଖୋର୍ଦ୍ଧା ଟାଉନର ଏସ୍.କେ. ତହୁସିଲ ଓରଫ କୋନ (୩୦) ଓ ଯଦୁପୁରର କାବୁଲ ଖାଁ ଓରଫ ପତୁ (୨୮) । ସୂଚନାଯୋଗ୍ୟ ଯେ, ଗତ ୬ ତାରିଖ ରାତି ପ୍ରାୟ ୯ଟା ସମୟରେ ଖଣ୍ଡଗିରି ଥାନା ଅଧୀନ ଘାଟିକିଆ ଅଂଚଳର ଏକ ଘରୋଇ ହସ୍ପିଟାଲ ନିକଟରେ ଦୁଇ ଜଣ ଯୁବକ ବନ୍ଧୁକ ସହ ଡକାୟତି ପାଇଁ ଯୋଜନା କରୁଥିବା ସ୍ପେଶାଲ ସ୍କ୍ୱାଡ କୌରସି ସୂତ୍ରରୁ ଖବର ପାଇ ଉକ୍ତ ଅଂଚଳରେ ଚଢ଼ଉ କରି ଦୁଇ ଅଭିଯୁକ୍ତଙ୍କୁ ଗିରଫ କରିବା ସହ ତାଙ୍କ ନିକଟରୁ ଗୋଟିଏ ଦେଶୀ ବନ୍ଧୁକ (ସିଙ୍ଗିଲ ସଟ) ଓ ବାଇକ ଜବତ କରିବା ପରେ ଖଣ୍ଡଗିରି ପୋଲିସ ଜିମା ଦେଇଥିଲା । ଖଣ୍ଡଗିରି ପୋଲିସ ବନ୍ଧୁକ ରଖିବା ଅଭିଯୋଗରେ ଅଭିଯୁକ୍ତଙ୍କୁ କୋର୍ଟଚାଲାଣ କରିଛି ।