ପୁରୀ: ପୁରୀ ତାଳବଣିଥାନାରେ ହାଜତ ମୃତ୍ୟୁ ଲୋକଙ୍କ ମନରୁ ଲିଭିନଥିବା ବେଳେ ଆଜି ପୁଣି ଏକ ଅଭାଭନିୟ ଘଟଣା ଘଟିଛି । ଡକାୟତି ମାମଲାରେ ଗିରଫ ଜଣେ ଅଭିଯୁକ୍ତ ହାଜତ ଭିତରେ ମଶା କଏଲ୍ ଷ୍ଟାଣ୍ଡରେ ନିଜର ବେକ ଓ ହାତକୁ କାଟି ଆତ୍ମହତ୍ୟା ଉଦ୍ୟମ କରିଥିଲା । ତେବେ ପୋଲିସ ତାକୁ ଉଦ୍ଧାରକରି ଚିକିତ୍ସାଲାଗି ଜିଲ୍ଲା ମୁଖ୍ୟ ହସ୍ପିଟାଲରେ ଭର୍ତି କରିଛି । ଅଭିଯୁକ୍ତର ଘର ପୁରୀର ବାଲିଗୁଆଳିରେ ଏବଂ ତାର ନାମ କାବୁ ପ୍ରଧାନ । ଅନ୍ୟପକ୍ଷରେ ହାଜତ ଭିତରେ ଆତ୍ମହତ୍ୟା ଉଦ୍ୟମ କରିଥିବାରୁ ପୋଲିସ ତା ବିରୁଦ୍ଧରେ ଆତ୍ମହତ୍ୟା ମାମଲା ରୁଜୁ କରିଛି । ପ୍ରକାଶ ଥାଉକି ଡକାୟତି ଯୋଜନା କରୁଥିଲା ବେଳେ ଗତକାଲି ପୋଲିସ୍ କାବୁ ସହ ୬ଜଣଙ୍କୁ ଗିରଫ କରିଥିଲା । ଆଜି ସେମାନଙ୍କୁ କୋର୍ଟ ଚାଲାଣ କରାଯିବାର ଥିଲା । ତେବେ ଆତ୍ମହତ୍ୟା ଉଦ୍ୟମ କରି ଆହତ ହେବା ପରେ ତାକୁ ସିକିତ୍ସା ଲାଗି ପୋଲିସ ହସ୍ପିଟାଲରେ ଭର୍ତି କରିଛି ।