ଭୁବନେଶ୍ୱର: ଆଇଗିଣିଆ କସ୍ମୋପଲିସ ଛକରେ ସୋମବାର ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ଭରତପୁର ଜୋକଲଣ୍ଡିର କେ.ନାରାୟଣଙ୍କର ମୃତ୍ୟୁ ଘଟିଛି । ଦିନ ପ୍ରାୟ ସାଢେ଼ ୧୧ଟା ବେଳେ ସେ ସ୍କୁଟି ଯୋଗେ ବିଜୟ ସେନାପତିଙ୍କ ସହ ଆଇଇଗିଣିଆ ଆଳୁଗଦିକୁ ଯାଉଥିବା ବେଳେ କସ୍ମୋପୋଲିସ ଛକରେ ତାଙ୍କୁ ପଛରୁ ଏକ ଟ୍ରକ (ଓଆହ୦୧କେ-୧୧୯୧)ଧକ୍କା ଦେଇଥିଲା । ପଛରୁ ଆସୁଥିବା ଏହି ଟ୍ରକ ନାରାୟଣଙ୍କ ଉପରେ ଚଢ଼ିଯାଇଥିଲା । ଖଣ୍ଡଗିରି ଥାନା ପୋଲିସ ଉଭୟଙ୍କୁ ଉଦ୍ଧାର କରି ଏମ୍ସ ହସ୍ପିଟାଲ ନେଇଥିଲା ବେଳେ ଡାକ୍ତର ସେଠାରେ କେ.ନାରାୟଣଙ୍କୁ ମୃତ ଘୋଷଣା କରିଥିଲେ । ପୋଲିସ ନାରାୟଣଙ୍କ ମୃତଦେହ ଜବତ କରିବା ସହ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା । ଘଟଣାସ୍ଥଳରୁ ଟ୍ରକ୍ ଚାଳକ ଫେରାର ହୋଇଥିଲା ବେଳେ ଟ୍ରକ୍ ଚାଳକଙ୍କୁ ସୋମବାର ଖଣ୍ଡଗିରି ଥାନା ପୋଲିସ ଗିରଫ କରି କୋର୍ଟ ଚାଲାଣ କରିଛି । ଏହି ଟ୍ରକ୍ ଚାଳକ ଜଣକ ଭଦ୍ରକ ଗ୍ରାମାଂଚଳ ଥାନା ରାମଭିଲ୍ଲାର ଦିଲ୍ଲୀପ କୁମାର ବାରିକ ।