ଏରସମା :ଏରସମା ବ୍ଲକ୍ ୪ ଟି ମଣ୍ଡଳର ନବନିର୍ବାଚିତ ମଣ୍ଡଳ ସଭାପତି ଓ ବୁଥ ସଭାପତି ମାନଙ୍କୁ ସ୍ଵାଗତ ସମ୍ବର୍ଦ୍ଧନା ପାଇଁ ଆଜି ଏରସମା ସତ୍ୟଶିବ ମଣ୍ଡପ ଠାରେ ବିଜେପି ଯୁବ ନେତା ସତ୍ୟ ସାରଥୀ ମହାନ୍ତିଙ୍କ ନେତୃତ୍ୱରେ ଆୟୋଜିତ ହୋଇଛି।ଏହି ସମ୍ବର୍ଦ୍ଧନା ଉତ୍ସବରେ କୃଷ୍ଣଚନ୍ଦ୍ରପୁର ମଣ୍ଡଳ ସଭାପତି ଅନିଲ ସ୍ୱାଇଁ, ଗୋଡ଼ା ମଣ୍ଡଳ ସଭାପତି ପୁଲିନ ମଣ୍ଡଳ,ଏରସମା ମଣ୍ଡଳ ସଭାପତି ଅମରେନ୍ଦ୍ର ଦଳେଇ, ବାଲିତୁଠ ମଣ୍ଡଳ ସଭାପତି ବିକ୍ରମଜୀତ ସାମନ୍ତରାୟ ଓ ସମସ୍ତ ବୁଥ୍ ସଭାପତି ମାନଙ୍କୁ ସମ୍ଭର୍ଦ୍ଧନା କରାଯାଇଛି। ଏହି ସଭାରେ ଏରସମା ପୂର୍ବତନ ମଣ୍ଡଳ ସଭାପତି ଜଟାଧାରୀ ସ୍ବାଇଁ,ଜିଲ୍ଲା କୋଷାଧ୍ୟକ୍ଷ ନିଲିପ୍ତ ଜେନା ,ରାଜ୍ୟ ଓବିଶି ମୋର୍ଚ୍ଚା ସଂଯୋଜକ ନୃସିଂହ ସାହୁ, ଓବିସି ମୋର୍ଚ୍ଚା ଜିଲ୍ଲା ଉପସଭାପତି ସଞ୍ଜୟ ପରିଡ଼ା,ନାରଦିଆ ସରପଞ୍ଚ ସିମାଇ ଭୋଳ, ଜପା ପୂର୍ବତନ ସରପଞ୍ଚ ତପନ ଗଚ୍ଛାୟତ,ବାଲିକୁଦା ପୂର୍ବତନ ମଣ୍ଡଳ ସଭାପତି ଦିଲ୍ଲୀପ କୁମାର ରାଉଳ, କ୍ଷେତ୍ର ମୋହନ ସାହୁ, ନାରୀନେତ୍ରୀ ରାଜଶ୍ରୀ ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ ଏବଂ ଏରସମା ବ୍ଲକର ସମସ୍ତ ଶକ୍ତି କେନ୍ଦ୍ର ପ୍ରମୁଖ ଓ ସହ ପ୍ରମୁଖ ଓ ଶତାଧିକ କାର୍ଯ୍ୟକର୍ତ୍ତା ଯୋଗ ଦେଇଥିଲେ। ନବନିର୍ବାଚିତ ମଣ୍ଡଳ ସଭାପତି ମାନଙ୍କୁ ସମ୍ବର୍ଦ୍ଧିତ କରିବା ଅବସରରେ, ବିଜେପି ନେତା ଶ୍ରୀ ମହାନ୍ତି ଡବଲ ଇଞ୍ଜିନି ସରକାରର ବିଭିନ୍ନ ଜନହିତକର କାର୍ଯ୍ୟ ସମ୍ପର୍କରେ ଆଲୋକ ପାତ କରିବା ସହିତ, ଆଗାମୀ ପଞ୍ଚାୟତ ନିର୍ବାଚନ ଆମ ପାଇଁ ପ୍ରକୃତ ଅଗ୍ନି ପରୀକ୍ଷା ବୋଲି କହିଥିଲେ। ଏଥିପାଇଁ ସମସ୍ତ ମଣ୍ଡଳ ସଭାପତି ଓ ବୁଥ୍ କମିଟି ସଭାପତି ମାନେ ତଳ ସ୍ତରରୁ ସଂଗଠନକୁ ସୁଦୃଢ କରିବା ପାଇଁଁ ଆହ୍ୱାନ ଦେଇଥିଲେ।