ନବରଙ୍ଗପୁର : ନବରଙ୍ଗପୁର ଜ଼ିଲ୍ଲା ଡାବୁଗାଁ ବିଗତ ଥାନା ଅନ୍ତର୍ଗତ ଜବାଗୁଡା ଗ୍ରାମର ଚନ୍ଦ୍ର ମିର୍ଗାନ ନିଜ ଘରେ ରାତିରେ ନିଜର HF Deluxe ଗାଡି ନଂ OD 24H 5574 ରଖିଥିବା ସମୟରେ କିଛି ଦୁର୍ବୁତ୍ତ ଗତ ମାସ ୨୬ ତାରିଖ ରାତିରେ ଚୋରି କରି ନେଇଯାଇଥିଲେ! ସକାଳେ ଘରେ ଗାଡି ନ ଥିବା ଦେଖି ଚନ୍ଦ୍ର ମିର୍ଗାନ ସ୍ଥାନୀୟ ଡାବୁଗାଁ ଥାନାରେ ଏକ ଲିଖିତ ଅଭିଯୋଗ କରିଥିଲେ! ଅଭିଯୋଗକୁ ଭିତ୍ତି କରି ଡାବୁଗାଁ ଥାନା ଅଧିକାରୀ ପ୍ରମୋଦ କୁମାର ପ୍ରଧାନ ନିଜର ପୋଲିସ ଟିମକୁ ଚୋରି ହୋଇଥିବା ଗାଡି ଓ ଚୋରକୁ ଧରିବା ପାଇଁ ଚେଷ୍ଟା କରିଥିଲେ ଏବଂ 31/5/23 ତାରିଖରେ ସଫଳ ମଧ୍ୟ ହୋଇଥିଲେ! ସେ ଚାରିଜଣ ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଥିଲେ! ସେମାନେ ହେଲେ ରାମ ଚନ୍ଦ୍ର ଜାନି ଗ୍ରାମ ଜୟନ୍ତୀନଗର (ଡାବୁଗାଁ ), ଡ଼ୁମର ହରିଜନ ଗ୍ରାମ ବଡ଼ଭିମାଗୁଡା (ଧୋଡ୍ରା), ସୁଧୀର ହରିଜନ ଗ୍ରାମ ବଡ଼ଭିମାଗୁଡା (ଧୋଡ୍ରା), ଚନ୍ଦନ ହରିଜନ ଗ୍ରାମ ଜାମଦୋରା ରାଇଘର ବ୍ଲକ! ସେମାନଙ୍କ ପାଖରୁ 17ଟି ମୋଟରସାଇକେଲ ଜବତ କରିଛି ଡାବୁଗାଁ ପୋଲିସ! ଏହି ଚୋରିରେ ଯଦି ଅନ୍ୟ କେହି ସମ୍ପୃକ୍ତ ଥିବେ ତେବେ ସେମାନଙ୍କୁ ମଧ୍ୟ ଗିରଫ କରାଯିବ ଏବଂ ଜବତ ହୋଇଥିବା ଗାଡିର କାଗଜ ପତ୍ର ଯାଞ୍ଚ କଲାପରେ ମାଲିକମାନଙ୍କୁ ହସ୍ତାନ୍ତର କରାଯିବ ବୋଲି ଏସ ପି ଏସ ସୁଶ୍ରୀ ପ୍ରେସ ମିଟ ମାଧ୍ୟମରେ ରେ ପ୍ରକାଶ କରିଛନ୍ତି! ଅଭିଯୁକ୍ତ ଚାରି ଜଣଙ୍କୁ କେସ ନଂ 110/23ରେ ମାମଲା ରୁଜୁ କରି ଆଇ ପି ସି ଧାରା 379ରେ କୋର୍ଟ ଚାଲାଣ କରିଛି ଡାବୁଗାଁ ପୋଲିସ l ଆରକ୍ଷୀ ଅଧିକ୍ଷକ ଏସ. ସୁଶ୍ରୀ ଙ୍କ ନେତୃତ୍ୱରେ ନବରଙ୍ଗପୁର ଜ଼ିଲ୍ଲା ପୋଲିସ ପକ୍ଷରୁ କ୍ରାଇମ ନିୟନ୍ତ୍ରଣ କରିବା ସହ ବିଭିନ୍ନ ମାମଲାରେ ଜଡିତ ଥିବା ଅଭିଯୁକ୍ତଙ୍କୁ ଧରି କୋର୍ଟ ଚାଲାଣ ଜାରି ରହିଥିବା ଯୋଗୁଁ ଏସ. ପି. ଏସ. ସୁଶ୍ରୀ ଙ୍କୁ ବିଭିନ୍ନ ମହଲ ରୁ ଉଚ୍ଚ ପ୍ରଶଂସା କରାଯାଇଛି l