ଚମ୍ପୁଆ : କେନ୍ଦୁଝର ଜିଲ୍ଲା ଚମ୍ପୁଆ ବହୁ ଚର୍ଚ୍ଚିତ ବିଧାନ ସଭା ଆସନ ପାଇଁ ବିଜେଡି ପ୍ରାର୍ଥୀ ଭାବେ ନାମାଙ୍କନ ଦାଖଲ କରିଛନ୍ତି ସନାତନ ମହାକୁଡ। ଦଳୀୟ ସମର୍ଥକଙ୍କ ସହ ଏକ ବିରାଟ ପଟୁଆର ରେ ମା ଜଗତ ଜନନୀ ସେବା ଟ୍ରଷ୍ଟ କାର୍ଯ୍ୟାଳୟ ଠାରୁ ବାହାରି ଚମ୍ପୁଆ ଉପ ଜିଲ୍ଲାପାଳ ତଥା ରିଟର୍ନିଂ ଅଫିସର ସୁକାନ୍ତ ମାଝୀ ଙ୍କ କାର୍ଯ୍ୟଳୟ ଠାରେ ଦାଖଲ କରିଛନ୍ତି। ନିଜର ପ୍ରିୟ ନେତା ସନାତନ ମହାକୁଡ ନାମାଙ୍କନ ଦାଖଲ କରୁଥିବାରୁ ତାଙ୍କୁ ସମର୍ଥନ ଦେବାକୁ ହଜାର ହଜାର ସମର୍ଥକ ସମାଗମ ହୋଇଥିଲେ। ପୁରୁଷ , ମହିଳା, ଯୁବ ଭୋଟର ଓ ବିଭିନ୍ନ ବର୍ଗର ଲୋକ ସ୍ୱତଃପ୍ରତ ଭାବେ ଶୋଭାଯାତ୍ରାରେ ସାମିଲ ହୋଇଥିଲେ। ବିଭିନ୍ନ ନାରା ଓ ସ୍ଲୋଗାନରେ କମ୍ପି ଉଠିଲା ଚମ୍ପୁଆ। ଏହି କାର୍ଯ୍ୟକ୍ରମରେ କେନ୍ଦୁଝର ସାଂସଦ ପ୍ରାର୍ଥୀ ଧନୁର୍ଜୟ ସିଦ୍ଧୁ, ପାଟଣା ବିଧାୟକ ପ୍ରାର୍ଥୀ ଜଗନ୍ନାଥ ନାୟକ, ତେଲକୋଇ ବିଧାୟକ ପ୍ରାର୍ଥୀ ମାଧବ ସର୍ଦ୍ଦାର, ପୂର୍ବତନ ସଂସଦ ଚନ୍ଦ୍ରାଣୀ ମୁର୍ମୁ, ଜିଲ୍ଲା ଵିଜେଡି ସଭାପତି କୁଶ ଆପଟ୍ଟ ଯୋଡା, ବଡ଼ବିଲ ମ୍ୟୁନିସିପାଲଟି ଚେୟାରମ୍ୟାନ ଏବଂ ଚମ୍ପୁଆ ଏନଏସି ଚେୟାରମ୍ୟାନ ନାମାଙ୍କନ ବେଳେ ଉପସ୍ଥିତ ରହି ଦାଖଲ କରିଥଲେ।