ଚମ୍ପୁଆ : ଚମ୍ପୁଆ ଥାନାରେ ନୂତନ ଥାନା ଅଧିକାରିଣୀଙ୍କ ଭାବେ ଦେବକୀ ନାଏକ ଗତକାଲି କାର୍ଯ୍ୟରେ ଯୋଗ ଦେଇଛନ୍ତି । ଏଠାରେ ଥିବା ଥାନା ଅଧିକାରୀ ତ୍ରିନାଥ ସେଠୀଙ୍କର କେନ୍ଦୁଝର ସଦର ଥାନାକୁ ବଦଳି ହୋଇଯାଇଛି । ତାଙ୍କର ସ୍ଵଳ୍ପ ରହଣି ଭିତରେ ସେ ଏ ଅଞ୍ଚଳର ଶାନ୍ତିଶୃଙ୍ଖଳା ଓ ଅପରାଧ ନିୟନ୍ତ୍ରଣ କ୍ଷେତ୍ରରେ ଅନେକ ସଫଳତା ଅର୍ଜନ କରି ଉଚ୍ଚ ପ୍ରଶଂସିତ ହୋଇଛନ୍ତି । ନୂତନ ଅଧିକାରିଣୀ ଏହା ପୂର୍ବରୁ କେନ୍ଦୁଝର ଜିଲ୍ଲା ନୟାକୋଟ ଥାନାର ଅଧିକାରିଣୀ ଭାବେ କାର୍ଯ୍ୟ କରୁଥିଲେ । ଏଠାରେ ଯୋଗଦେବା ପରେ ସେ ସ୍ଥାନୀୟ ଅଞ୍ଚଳର ଆଇନଶୃଙ୍ଖଳା, ଅପରାଧ ଓ ଟ୍ରାଫିକ ଜାତ ଉପରେ ଅଧିକ ଗୁରୁତ୍ବ ଦେବେ ବୋଲି ତାଙ୍କ ପ୍ରତିକ୍ରିୟାରେ ପ୍ରକାଶ କରିଛନ୍ତି । ସୀମାନ୍ତ ଭର୍ତ୍ତି ଏହି ଥାନା ଏକ ସମ୍ବେଦନଶୀଳ ଅଞ୍ଚଳ ହୋଇଥିବାରୁ ଏବଂ ଆଗାମୀ ୨୦୨୪ ସାଧାରଣ ନିର୍ବାଚନ ପରିପ୍ରେକ୍ଷୀରେ ଚୋରୀ, ଡକାୟତି, ଦୁର୍ଘଟଣା ଓ ଟ୍ରାଫିକ ସମସ୍ୟା ସମାଧାନ ପାଇଁ ସମସ୍ତଙ୍କର ସହଯୋଗ କାମନା କରିଥିଲେ । ସେ ପୂର୍ବରୁ ଜିଲ୍ଲାର ଆନନ୍ଦପୁର ଓ ହରିଚନ୍ଦନପୁର ଭଳି ସମ୍ଵଦେନଶୀଳ ଥାନା ମାନଙ୍କରେ କାର୍ଯ୍ୟ କରି ପ୍ରଶଂସିତ ମଧ୍ୟ ହୋଇଛନ୍ତି ।