ଭୁବନେଶ୍ୱର- ବ୍ରହ୍ମପୁର ନିବାସୀ ତଥା ଅବସରପ୍ରାପ୍ତ ଶିକ୍ଷୟତ୍ରୀ ଜ୍ୟୋସ୍ନା ଦାସଙ୍କ ମଙ୍ଗଳବାର ଅପରାହ୍ନରେ ପରଲୋକ ଘଟିଛି । ସେ କିଛି ଦିନ ହେଲା ଅସୁସ୍ଥ ଥିଲେ । ତେବେ ମୃତୁ୍ୟ ବେଳକୁ ତାଙ୍କୁ ୬୩ବର୍ଷ ବୟସ ହୋଇଥିଲା । ମଂଚ ନାଟକ , ଓଡିଆ ଚଳଚ୍ଚିତ୍ରରେ ଅଭିନୟ କରିଥିଲେ । ତାଙ୍କ ଅଭିନୀତ ଚଳଚିତ୍ର ମଧ୍ୟରେ ରହିଛି ସମୟ, ଅଭିମାନ , ସତୀ ଅନସୂୟା, ଉପେନ୍ଦ୍ର ଭଞ୍ଜ, ଫଟା କପାଳ ପ୍ରଭୃତି ଅନ୍ୟତମ । ମଂଚ ଅଭିନେତ୍ରୀ ଭାବେ ଗଞ୍ଜାମ, କନ୍ଧମାଳ, ମାଲକାନଗିରି,କଳାହାଣ୍ଡି, ମୟୁରଭଞ୍ଜ ଜିଲ୍ଲା ସମେତ ଭୁବନେଶ୍ୱର, ରାଉରକେଲା ପ୍ରଭୃତି ସ୍ଥାନରେ ରାଜ୍ୟସ୍ତରୀୟ ନାଟକ ସମାରୋହରେ ସାମିଲ ରହିଥିଲେ । ଆଶୁକବି ସ୍ୱର୍ଗତ ଜେମ୍ସ ଦାସଙ୍କ ବଡ ଝିଅ ଥିଲେ ଜ୍ୟୋସ୍ନା ।