ଯାଜପୁର: ଦଶରଥପୁର ଜଳ ସଂପଦ ବିଭାଗ ଅଧିନ ବେଲେଶ୍ୱର ମହାଦେବ ପାଣି ପଂଚାୟତର ନୂତନ କର୍ମକର୍ତା ଚୟନ ପ୍ରକ୍ରିୟା ସଂପନ୍ନ ହୋଇଛି । ଏହି ପରିପ୍ରେକ୍ଷୀରେ ଦଶରଥପୁର ଜଳସଂପଦ ଡ଼ାକ ବଙ୍ଗଳା ପରିସରରେ ଏକ ପାଣି ପଂଚାୟତ ସଭ୍ୟଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଥିଲା । ପାଣି ପଂଚାୟତର ବରିଷ୍ଠ ସଭ୍ୟ ସୁଶାନ୍ତ ଦାସ, ରବିନ୍ଦ୍ର ଘଡେ଼ଇ, ଲକ୍ଷ୍ମୀଧର ସାହୁ, ଲମ୍ବୋଧର ବେହୁରିଆ, ସୁଶାନ୍ତ ସାମଲ, ଜନାର୍ଦ୍ଧନ ଦାସ, ଜ୍ୟୋତ୍ସ୍ନାରାଣୀ ବାରିକ, ତାପସ ଦାସ, ମନ୍ମଥ ରାଉତଙ୍କ ସମେତ ପଂଚାୟତର ସମସ୍ତ ସଭ୍ୟ ସାମିଲ ହୋଇଥିଲେ । ସର୍ବ ସମ୍ମତି କ୍ରମେ ସଂପାଦକ ଭାବେ ତୁଷାରକାନ୍ତ ନାୟକ, ସଭାପତି ବିଦ୍ୟାଧର ପଣ୍ଡା ଓ ନାରାୟଣ ଚନ୍ଦ୍ର ନାୟକଙ୍କ କୋଷାଧ୍ୟକ୍ଷ ପଦବୀ ନିମନ୍ତେ ଚୟନ କରାଯାଇଥିଲା । ନୂତନ ଭାବେ ପଦଭାର ଗ୍ରହଣ କରିଥିବା ସମସ୍ତ କାର୍ଯ୍ୟକର୍ତା ସମସ୍ତ ସଭ୍ୟ ମାନଙ୍କୁ କୃତଜ୍ଞତା ଜଣାଇବା ସହ ବେଲେଶ୍ୱର ପାଣି ପଂଚାୟତ ଅଧିନ ତରପଦା ଓ ଜୟନ୍ତରା ପଂଚାୟତର ଚାଷୀ ମାନଙ୍କ ଉନ୍ନତି ପାଇଁ ସର୍ବଦା ଉଦ୍ୟମ ଜାରି ରଖିବେ ବୋଲି ଶପଥ ନେଇଥିଲେ ।