ଭୁବନେଶ୍ୱର: ଫାଣ୍ଡି ପରିସରରେ ଥିବା ଏକ ଜବତ ଗାଡି ଭିତରୁ ଜଣେ ମହିଳାଙ୍କ ମୃତଦେହ ମିଳିବା ଘଟଣାରେ ଜଟଣୀ ଥାନା ଯାଁଳା ଫାଣ୍ଡି ଅଧିକାରୀ ସତ୍ୟବ୍ରତ ଗ୍ରହାଚାର୍ଯ୍ୟ (ଏସ୍ଆଇ)ଙ୍କୁ ନିଲମ୍ବିତ କରାଯାଇଛି । ଜବତ ଗାଡିରେ ମହିଳା ମୃତ୍ୟୁ ବରଣ କରିଥିଲେ ମଧ୍ୟ ଥାନା ଅଧିକାରୀ ଜାଣି ନ ପାରି କର୍ତବ୍ୟରେ ଅବହେଳା କରିଛନ୍ତି । ଏଣୁ ତାଙ୍କୁ ନିଲମ୍ବିତ କରାଯାଇଥିବା କହିଛନ୍ତି ଡିସିପି ଉମାଶଙ୍କର ଦାଶ । ଗତ ୮ ତାରିଖ ଦିନ ଏହି ମୃତଦେହ ଗାଡି ଭିତରୁ ମିଳିଥିଲା । ଦୀର୍ଘ ଦିନ ହେବ ଶବ ପଡି ରହିଥିବାରୁ ଶବଟି ପଚି ଯାଇଥିଲା । ଏମ୍ସରେ ଶବ ବ୍ୟବଚ୍ଛେଦ କରାଯାଇଥିଲା । ବ୍ୟବଚ୍ଛେଦ ରିପୋର୍ଟରେ ମହିଳାଙ୍କର ସ୍ୱାଭାବିକ୍ ମୃତ୍ୟୁ ହୋଇଥିବା ଉଲ୍ଲେଖ ଅଛି । ତେବେ ମହିଳା ଜଣଙ୍କ କିଏ ? ସେ କ୍ାରଭିତରକୁ ଆସିଲେ କିପରି ନାଁ ଏହା ପଛରେ ଆଉକିଛି ରହସ୍ୟ ରହିଛି ସେଥିନେଇ ଅନେକ ପ୍ରଶ୍ନ ଏବେ ଫାଣ୍ଡି ଅଧିକାରୀଙ୍କୁ ସନେ୍ଦହ ଘେରକୁ ଟାଣିନେଇଛି ।