ବାଲିକୁଦା, ୨୦.୬(ନି.ପ୍ର): ବାଲିକୁଦା ଥାନା ପଛ ପଟ ବାଲିକୁଦା ଗାଁରେ ଚୋରା ମଦ ବ୍ୟବସାୟ କରୁଥିବା ଅକ୍ଷୟ ଗୋଚ୍ଛାୟତ (ଖଗ) କୁ ଗିରଫ କରି କୋର୍ଟ ଚାଲାଣ କରିଛି ବାଲିକୁଦା ପୁଲିସ । ଗତ ଫେବୃଆରୀ ମାସରେ ଥାନା ଏସଆଇ ଚିରଞ୍ଜୀବୀ ବେହେରା ଖଗ ମଦ ବିକ୍ରି କରୁଥିବା ସ୍ଥାନ ଉପରେ ଚଢଉ କରି ବିପୁଳ ପରିମାଣର ମଦ ଜବତ କରିଥିଲେ ମଧ୍ୟ ଚତୁର ପଣିଆରେ ଖଗ ଘଟଣା ସ୍ଥଳରୁ ଫେରାର ହୋଇ ଯାଇଥିଲା । ତେବେ ଶ୍ରୀ ବେହେରାଙ୍କ ଆଖି ତା ଉପରୁ ହଟି ନଥିଲା । ଗତକାଲି ରାତିରେ ଶ୍ରୀ ବେହେରା ତାର ଘର ଉପରେ ଚଢଉ କରି ଖଗକୁ କାବୁ କରି ଥାନାକୁ ଆଣିଥିଲେ । ଆଜି ତାକୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି । ଏହି ଘଟଣାରେ ସେତେବେଳେ ୫୭/୨୦ରେ ବାଲିକୁଦା ଥାନାରେ ଏକ ମାମଲା ରୁଜୁ କରାଯାଇଥିଲା ।