ବାଲିକୁଦା,୧୪ ।୦୬(ନି.ପ୍ର.): ବାଲିକୁଦାରୁ ନୂଆ ୭ କରୋନା ପଜିଟିଭ ଚିହ୍ନଟ ହୋଇଛନ୍ତି । ସେମାନେ ସମସ୍ତେ ପଂଚାୟତର କ୍ୱାରେଂଟାଇନରେ ଥିବା ବେଳେ ଚିହ୍ନଟ ସମସ୍ତ ୭ ଜଣ ଯାକ ବାହାରୁ ଆସିଥିବା ଜଣାପଡିଛି । ବିଶେଷ ଭାବେ ଏମାନେ ମହାରାଷ୍ଟ୍ର, ତାମିଲନାଡୁ, ହରିୟାନା, ଗୁଜୁରାଟ ଓ ଦିଲ୍ଲୀରୁ ଫେରିଥିବା ଜାଣିବାକୁ ମିଳିଛି । ଏମାନଙ୍କ ମଧ୍ୟରୁ ମରିଚପୁର ପଂଚାୟତରୁ ୨ ଜଣଙ୍କୁ ଚିହ୍ନଟ କରାଯାଇଥିବା ବେଳେ ନହରଣା, ଆମ୍ବସାଲ, କାଳିଓ, ଅରିଲୋ ଓ ତଣ୍ଡିକୁଳ ପଂଚାୟତରୁ ଜଣେ ଲେକାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହି ସମସ୍ତଙ୍କ ସ୍ୱାବ ଗତ ୯ ତାରିଖ ଦିନ ସଂଗ୍ରହ କରାଯାଇଥିଲା । ଏମାନଙ୍କ ରିପୋର୍ଟ ଆସିବା ପରେ ଓ ଏମାନେ କରୋନା ଆକ୍ରାନ୍ତ ଥିବ ଜଣାପଡିବା ପରେ ଏମାନଙ୍କୁ ଜିଲ୍ଲା ପ୍ରଶାସନ ଚିକିତ୍ସା ପାଇଁ ପାରାଦୀପ କୋଭିଡ ହସ୍ପିଟାଲକୁ ପଠାଇ ଦେଇଛି ।