ଚମ୍ପୁଆ: ସ୍ଥାନୀୟ ତହସିଲ ପକ୍ଷରୁ ବାରମ୍ବାର ଚଢାଉ କରାଯାଉଥିଲେ ମଧ୍ୟ ଅଭିନବ ଉପାୟରେ ବାଲି ଚୋରି କରୁଛନ୍ତି ମାଫିଆମାନେ । ମିଳିଥିବା ସୁଚନା ଅନୁସାରେ ଚମ୍ପୁଆ ବ୍ଲକ ଭୁଇଁପୁର ପଞ୍ଚାୟତ ମେମେର୍ଦ୍ଧା ନାଳରୁ ବାଲି ଚୋରା ଚାଲାଣ ହେଉଥିବା ଖବର ପାଇ ସ୍ଥାନୀୟ ତହସିଲ ପକ୍ଷରୁ ଆତର୍କିତ ଚଢଉ କରାଯାଇ ୭ଟା୍ରକ୍ଟରକୁ ଜବତ କରାଯାଇଥିଲା । କିଛି ଦିନ ପୂର୍ବରୁ ଏସମସ୍ତ ବାଲି ଉତ୍ସ ଗୁଡିକୁ ନିଲାମ କରାଯାଇଥିଲା । ଲିଜ ଧାରୀମାନେ ବାଲି ଉଠାଣ କାମ ଆରମ୍ଭ କରିବା ପୂର୍ବରୁ ଏଅଞ୍ଚଳର କିଛି ଟ୍ରାକ୍ଟର ଉକ୍ତ ନାଳରୁ ଅବାଧରେ ବାଲି ଚୋରି କରି ବିକି୍ର କରୁଥିବା ଅଭିଯୋଗ ହୋଇଥିଲା । ତହସିଲଦାର ଆଲୋକ କୁମାର ପଟେଲ ଖବର ପାଇବା ପରେ ସତର୍କ ହୋଇଉଠିଥିଲେ । ଚମ୍ପୁଆ ଉପଜିଲ୍ଲାପାଳ ପ୍ରତାପ ପି୍ରତିମୟଙ୍କ ନିଦେ୍ର୍ଧଶକ୍ରମେ ଉକ୍ତ ନାଳରେ ଅଚାନକ ଚଢାଉ କରାଯାଇ ୭ଟି ଟ୍ରକକୁ ଜବତ କରାଯାଇଥିଲା । ସେଗୁଡିକ ମଧ୍ୟରୁ କିଛି ଗାଡିର ନମ୍ବର ପ୍ଲେଟ ବଦଳାଇ ବାଲିଉଠାଇ ଚୋରା ଚାଲାଣ କରାଯାଉଥିବା ଜଣାପଡିଛି ।