ପୁରୀ: ପବିତ୍ର ଶ୍ରୀଗୁଣ୍ଡିଚା ଅବସରରେ ମହୋଦଧି କୂଳରେ ଅନ୍ତର୍ଜାତୀୟ ଖ୍ୟାତିସମ୍ପନ୍ନ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ବାଲିରେ ନନ୍ଦିଘୋଷ ରଥ ନିର୍ମାଣ କରିଛନ୍ତି । ୬ ଫୁଟ୍ ୨ ଇଂଚ ଉଚ୍ଚତା ବିଶିଷ୍ଟ ଏହି ବାଲୁକା ରଥ ନିର୍ମାଣ କରିବା ପାଇଁ ଶିଳ୍ପୀଙ୍କୁ ଅନେକ ସମୟ ଲାଗିଥିଲା । ନନ୍ଦିଘୋଷ ରଥ ବାଲିରେ ଜଗନ୍ନାଥଙ୍କ ଚିତ୍ର ନିର୍ମାଣ କରିଥିଲେ ଶିଳ୍ପୀ । ଭକ୍ତ ବଳରାମ ଦାସ ବାଲିରେ ରଥ ନିର୍ମାଣ କରି ପ୍ରଭୁ ଜଗନ୍ନାଥଙ୍କୁ ଡାକିଥିଲେ । ଏହାର ସ୍ମୃତି ସ୍ୱରୂପ ସୁଦର୍ଶନ ଏହି ବାଲି ରଥ ନିର୍ମାଣ କରିଛନ୍ତି ।