ବିଦବିଞ୍ଝାରପୁର : ବିଞ୍ଝାରପୁର ଥାନା ଅନ୍ତର୍ଗତ ସିଂହପୁର ପଂଚାୟତ ପାଟଣା ଅଂଚଳର ଜଣେ ୭୦ ବର୍ଷିୟ ବୃଦ୍ଧ ଆଜି ଭୋର ସମୟରେ ଫୁଲ ତୋଳିବାକୁ ଯାଇ ବିଦ୍ୟୁତ ତାର ସଂସ୍ପର୍ଶରେ ଆସି ମୃତ୍ୟୁ ବରଣ କରିଛନ୍ତି । ଖବର ଅନୁଯାଇ ବୃଦ୍ଧ ଜଣଙ୍କ ଫୁଲ ତୋଳିବାକୁ ଜରୀ ପଂଚାୟତ ନାଉବାଙ୍କ ମଠ ନିକଟକୁ ଯାଉଥିବା ବେଳେ ମଝି ରାସ୍ତାରେ ଏଲଟି ବିଦ୍ୟୁତ ତାର ଛିଡିପଡିଥିଲା । ଏହା ସଂସ୍ପର୍ଶରେ ଆଜି ବୃଦ୍ଧ ଜଣଙ୍କର ଘଟଣା ସ୍ଥଳରେ ମୃତ୍ୟୁ ହୋଇଥିଲା ।
ଘଟଣା ଜଣାପଡିବା ପରେ ଖବର ପାଇ ବିଞ୍ଝାରପୁର ଥାନା ଅଧିକାରୀ ଶିବ ଚରଣ ବେହେରାଙ୍କ ନିର୍ଦେଶ କ୍ରମେ ଅଳକୁଣ୍ଡ ଫାଣ୍ଡି ଅଧିକାରୀ ଏକେ ସ୍ୱାଇଁ ଘଟଣା ସ୍ଥଳରେ ପହଁଚି ମୃତ ଦେହକୁ ଉଦ୍ଧାର କରି ସବ ବ୍ୟବଚ୍ଚେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇ ଥିଲେ । ବିଦ୍ୟୁତ ବିଭାଗ ପକ୍ଷରୁ ଘଟଣା ସ୍ଥଳରେ କୈାଣସି ଅଧିକାରୀ ପହଁଚିନଥିବାରୁ ଉତେଜନା ବୃଦ୍ଧି ପାଇଥିଲା । ପରେ ବିଦ୍ୟୁତ ବିଭାଗର ଏସଡିଓ ଅସିତ୍ କୁମାର ପ୍ରଧାନ ଘଟଣା ସ୍ଥଳରେ ପହଁଚି ସ୍ଥିତି ସମିକ୍ଷା କରିବା ସହିତ ତୁରନ୍ତ ଉକ୍ତ ସ୍ଥାନରେ ବିଦ୍ୟୁତ ତାର ପରିବର୍ତେ କେବୁଲ ବ୍ୟବସ୍ଥା କରାଇଥରଲେ । ବିଭାଗର ଅପାରଗତା ଯୋଗୁଁ ବାରମ୍ବାର ଏଭଳି ଧନ ଜୀବନ ହାନି ହେଉଥିବା ଲୋକେ ଅଭିଯୋଗ କରୁଛନ୍ତି ତାର ସଂସ୍ପର୍ଶରେ ଆଜି ବୃଦ୍ଧଙ୍କ ମୃତ୍ୟୁ