ବାରିପଦା,୨୧.୬ (ନି.ପ୍ର.) : ମୟୂରଭଞ୍ଜ ଜିଲ୍ଲା ଅନ୍ତର୍ଗତ ଯଶିପୁର ଠାରେ ଏକ ବିନା ଲାଇସେନ୍ସ ରେ ମହୁଲ ମହଜୁଦକାରୀ ବ୍ୟବସାୟୀଙ୍କ ମହୁଲ ଗୋଦାମ ଉପରେ ଅବକାରୀ ବିଭାଗ ପକ୍ଷରୁ ପୋଲିସ ଓ ରାଜସ୍ୱ ବିଭାଗୀୟ କର୍ମକର୍ତା ମାନଙ୍କ ସହାୟତାରେ ଗତ ୧୬ ତାରିଖ ଦିନ ସାଢେ ୧୧ଟା ସମୟରେ ଚଢାଓ କରାଯାଇଥିଲା । ଦିନତମାମ ଚାଲିଥିବା ଏହି ଚଢାଓ ବେଳେ ବିପୁଳ ପରିମାଣର ଲକ୍ଷାଧିକ ଟଙ୍କା ମୂଲ୍ୟର ମହୁଲ ଜବତ ହୋଇଥିବାର ଜଣାପଡିଛି । ଜବତ ହୋଇଥିବା ପିକ୍ଅପ ଗାଡିରେ ଛଅ ଟ୍ରିପ୍ ମହୁଲଗୁଡିକୁ ଜଣେ ଲାଇସେନ୍ସ ପ୍ରାପ୍ତ ମହୁଲ ବ୍ୟବସାୟୀଙ୍କ ଜିମାରେ ଏକ ଶୀତଳ ଭଣ୍ଡାରରେ ରଖାଯାଇ ଏହି ବେଆଇନ ମହୁଲ କାରବାର ସମ୍ପର୍କରେ ଅଧିକ ତଦନ୍ତ ଚାଲୁଥିବାର ଅବକାରୀ ବିଭାଗୀୟ କର୍ମକର୍ତାଙ୍କ ଠାରୁ ସୂଚନା ମିଳିଛି । ତେବେ ଏହି ଘଟଣାରେ ଜଣେ ଗିରଫ ହୋଇଥିବାର ପ୍ରକାଶ ।