ପୁରୀ- ପୁରୀ ଜିଲ୍ଲା ବ୍ରହ୍ମଗିରି ଥାନା ଅନ୍ତର୍ଗତ କଟକପଡା ଗାଁରେ ବୋମାମାଡ । ଏହି ଘଟଣାରେ ଦୁଇ ଯୁବକ ଆହାତ ହୋଇଛନ୍ତି । ଆହାତ ଦ୍ୱୟ ହେଲେ ନିରଞ୍ଜନ ସେଠୀ ଓ ନନ୍ଦ କିଶୋର ବେହେରା । ଆହାତଙ୍କୁ ସ୍ଥାନୀୟ ଲୋକେ ରେବଣା ନୂଆଗାଁ ଗୋଷ୍ଠୀ ସ୍ୱସ୍ଥ୍ୟ କେନ୍ଦ୍ରରେ ଭର୍ତି କରିଛନ୍ତି । ବୋମାମାଡରେ ଦୁଇ ଜଣଙ୍କ ହାତ, ଗୋଡ ଓ ପେଟରେ ଆଘାତ ଲାଗିଛି । ବ୍ରହ୍ମଗିରି ପୋଲିସ ଘଟଣା ସ୍ଥଳରେ ପଂହଚି ତଦନ୍ତ କରୁଛନ୍ତି । ମିଳିଥିବା ସୂଚନା ଅନୁଯାୟୀ ଗତକାଲି ରାତି ୧୦ ଟା ସମୟରେ ନିରଞ୍ଜନ ଓ ନନ୍ଦ କିଶୋର ଗାଁ ମୁଣ୍ଡ ପୋଖରୀକୁ ଶୈାଚ ହେବାକୁ ଯାଉଥିଲେ । ଏହି ସମୟରେ ଦୁଇଟି ବାଇକରେ କିଛି ଦୁବୃର୍ତ ଆସି ସେମାନଙ୍କ ଉପରକୁ ବୋମା ଫିଙ୍ଗିଥିଲେ । ବୋମାମାଡ ଶଦ୍ଧ ଶୁଣି ଗାଁ ଲୋକେ ଘଟଣାସ୍ଥଳରେ ପଂହଚିଥିଲେ । ଲୋକଙ୍କୁ ଦେଖି ଦୁବୃର୍ତ ଘଟଣା ସ୍ଥଳରୁ ଫେରାର ହୋଇଥିଲେ ।