ଅନୁଗୋଳ: ଦେଶର ଅଗ୍ରଣୀ ବ୍ୟାଙ୍କ ଭାବେ ଜଣା ଶୁଣା ଭାରତୀୟ ଷ୍ଟେଟ ବ୍ୟାଙ୍କ ଦ୍ୱାରା ଆଜି ଏକ ନିରାଡମ୍ବର ଉତ୍ସବରେ ସାମାଜିକ ଦାୟିତ୍ୱବୋଧତାର ନିଦର୍ଶନ ସ୍ୱରୁପ ଅନୁଗୋଳ ଜିଲ୍ଲା ପୋଲିସକୁ ଏକ ପେଟ୍ରୋଲିଂ ଗାଡି ପ୍ରଦାନ କରାଯାଇଛି । ଏହି କାର୍ଯ୍ୟକ୍ରମଟି ରେ ଭୁବନେଶ୍ୱର ମଣ୍ଡଳର ମହାପ୍ରବନ୍ଧକ ଶ୍ରୀ ସି ଏଲଏନ ଚାର୍ୟଲୁ, ଉପ ମହାପ୍ରବନ୍ଧକ ଶ୍ରୀ କୁନ୍ଦନ ଜ୍ୟୋତି, କ୍ଷେତ୍ରୀୟ ପ୍ରବନ୍ଧକ ଶ୍ରୀ ପ୍ରମୋଦ କୁମାର ପ୍ରଧାନ, ଉତର-କେନ୍ଦ୍ରାଞ୍ଚଳ ଡିଆଇଜି ଡଃ ସାର୍ଥକ ସଡଙ୍ଗୀଙ୍କ ଉପସ୍ଥିତିରେ ଶ୍ରୀ ଜଗମୋହନ ମୀନା, ଆରକ୍ଷୀ ଅଧିକ୍ଷକ, ଅନୁଗୋଳ ଜିଲ୍ଲା ପୋଲିସ ଗ୍ରହଣ କରିଥିଲେ । ଉକ୍ତ ଗାଡିଟି ଆଇନ ଶୃଙ୍ଖଳା ରକ୍ଷା ନିମନ୍ତେ ବ୍ୟବହାର ହେବା ସଂଗେ ସଂଗେ ଡିଜିଟାଲ ବ୍ୟାଙ୍କିଙ୍ଗର ପ୍ରଚାର ପ୍ରସାର କରାଇ, ଜନସାଧାରଣଙ୍କୁ ଷ୍ଟେଟ ବ୍ୟାଙ୍କର ଅନନ୍ୟ ଏକକ ବ୍ୟାଙ୍କିଙ୍ଗ ସମାଧାନ ପ୍ରଣାଳି ୟୋନୋ ଆପ ର ବ୍ୟବହାର ବାବଦରେ ସଚେତନ କରାଇବାରେ ସହାୟକ ହେବ ।