ଚମ୍ପୁଆ : ଵାହାଘର ଭୋଜି ଖାଇ ଫେରୁଥିବା ସମୟରେ ଭାରସାମ୍ୟ ହରାଇ ଵୋଲେରୋଟି ଗଛରେ ପିଟି ହେବା ଫଳରେ ଘଟଣାସ୍ଥଳରେ ୨ଜଣଙ୍କର ମୃତ୍ୟୁ ହୋଇଥିବା ବେଳେ ୨ଜଣ ଗୁରୁତର ଆହତ ହୋଇଥିବା ଜଣାପଡିଛି। ଏପରି ଏକ ହୃଦ ବିଦାରକ ଦୃଶ୍ୟ ଦେଖିବାକୁ ମିଳିଛି ଚମ୍ପୁଆ ଥାନା ଅନ୍ତର୍ଗତ ରାମଚନ୍ଦ୍ରପୁର ନିକଟରେ । ମିଳିଥିବା ସୂଚନା ଅନୁସାରେ କୋଇଡା ଥାନା ଅନ୍ତର୍ଗତ କମାଣ୍ଡ ଗାଁ ର ଵିନୋଦ ବାରିକ, ନୀଳାଦ୍ରି ଘଣା,ଭରତ ବେହେରା,ଓ ହେମନ୍ତ ଘଣା ଝାଡ଼ଖଣ୍ଡ ରାଜ୍ୟର ମଝିଗାଁରୁ ଏକ ବାହାଘର ଭୋଜି ଖାଇ ଫେରୁଥିବା ବେଳେ ରାତି ୧ଘଟିକା ସମୟରେ ବେପରୁଆ ଗାଡି ଚାଳନା ଯୋଗୁଁ ଭାରସାମ୍ୟ ହରାଇ ଓଡି୦୨Y-୦୪୫୪ ବୋଲେରୋ ଗାଡ଼ିଟି ରାମଚନ୍ଦ୍ରପୁର ନିକଟରେ ଏକ ଶାଳ ଗଛରେ ପିଟି ହୋଇଯାଇଥିଲା ଫଳରେ ଵିନୋଦ ବାରିକ ଓ ନୀଳାଦ୍ରି ଘଣା ଘଟଣାସ୍ଥଳରେ ମୃତ୍ୟୁ ବରଣ କରିଥିବା ବେଳେ ଡ୍ରାଇଭର ଭରତ ବେହେରା ଓ ହେମନ୍ତ ଘଣା ଗୁରୁତର ଆହତ ହୋଇଥିଲେ ।ଖବର ପାଇ ଚମ୍ପୁଆ ପୋଲିସ ଘଟଣାସ୍ଥଳରେ ପହଞ୍ଚି ଗୁରୁତର ଆହତ ଦୁଇ ଜଣଙ୍କୁ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଥିବା ବେଳେ ମୃତ ଦେହକୁ ବ୍ୟବଛେଦ ପାଇଁ ଚମ୍ପୁଆ ଉପଖଣ୍ଡ ଚିକିତ୍ସାଳୟକୁ ପଠାଇ ଗାଡିକୁ ଜବତ କରି ତଦନ୍ତ ଜାରି ରଖିଥିବା ତଦନ୍ତ ଅଧିକାରୀ ଲକ୍ଷ୍ମଣ ମୁର୍ମୁ ସୂଚନା ଦେଇଛନ୍ତି ।