ନିମାପଡା: ନିମାପଡା ଅଂଚଳରେ ଲକ୍ ଡାଉନ ପୂର୍ବରୁ ରେକର୍ଡ ପରିମାଣରେ ସାମଗ୍ରୀ ବିକ୍ରି ହୋଇଥିବା ଜଣାପଡିଛି । ବିଶେଷ କରି ଏହି ଅଂଚଳରେ ଥିବା ଚାରୋଟି ମଦ ଦୋକାନ ଖାଲି ପଡିଛିା ସକାଳୁ ସନ୍ଧ୍ୟା ପର୍ଯ୍ୟନ୍ତ ଲୋକମାନେ ବ୍ୟାଗ ଓ ପେଟିରେ ମଦ ବୁହାଇନେଇଛନ୍ତି । ଲକ୍ ଡାଉନ ସମୟରେ ମଦ୍ୟପାନ କରି ଆଡ୍ଡା ଜମାଇବା ଏମାନଙ୍କର ଉଦ୍ଦେଶ୍ୟ ବୋଲି କୁହାଯାଉଛି । ପୁରୀ ଜିଲ୍ଲା ନିମାପଡା ଅଂଚଳରେ ଥିବା ବଳଙ୍ଗା, ଚାରିଛକ, ନିମାପଡା, ଚାରୋଟି ମଦ ଦୋକାନ ଖାଲି ପଡିଛି । ସକାଳୁ ମଦ କିଣିବା ପାଇଁ ଲୋକମାନଙ୍କର ଭିଡ ଲାଗିରହିଛି ।