ଢେଙ୍କାନାଳ: ଢେଙ୍କାନାଳ ସହରସ୍ଥ ମିନି ଷ୍ଟାଡିୟମ ଠାରେ ମହିଳା ବିଜୁ ଜନତା ଦଳ ତରଫରୁ ଆର୍ନ୍ତଜାତୀୟ ମହିଳା ଦିବସ ମହା ସମାରୋହରେ ପାଳିତ ହୋଯାଇଛି । ପ୍ରାରମ୍ଭରେ ବାଜିଚୌକ ଛକ ଠାରୁ ଏକ ବିଶାଳ ମହିଳା ଶୋଭାଯାତ୍ରା ବାହାରି ସହର ପରିକ୍ରମା କରିବା ପରେ ସଭା ସ୍ଥଳରେ ପହଂଚିଥିଲା । ସେଠାରେ ଜିଲ୍ଲା ମହିଳା ବିଜେଡ ସଭାନେତ୍ରି ସାଇଶ୍ରୀ ପଟ୍ଟନାୟକଙ୍କ ସଭାପତିତ୍ୱରେ ଆୟୋଜିତ ସମାରୋହରେ ଢେଙ୍କାନାଳର ବିଧାୟକ ସୁଧୀର କୁମାର ସାମଲ ମୂଖ୍ୟ ଅତିଥିଭାବେ ଯୋଗଦେଇ ପ୍ରଦୀପ ପ୍ରଜ୍ୱଳନ କରି ସମାରୋହକୁ ଉଦଘାଟନ କରିଥିଲେ । ସମ୍ମାନିତ ଅତିଥିଭାବେ ଢେଙ୍କାନାଳ ଜିଲ୍ଲା ବିଜେଡି ପର୍ଯ୍ୟବେକ୍ଷକ ତଥା ରାଜ୍ୟ ଯୁବ କଲ୍ୟାଣ ବୋର୍ଡର ଅଧ୍ୟକ୍ଷ ବିଜୟ କୁମାର ନାୟକ ଯୋଗଦେଇଥିଲେ । ଅନ୍ୟ ମାନଙ୍କ ମଧ୍ୟରେ ଜଲ୍ଲା ମହିଳା କାର୍ଯ୍ୟକାରି ସଭାନେତ୍ରୀ ରୁବି ବିଶ୍ୱାଳ, ଗଁନ୍ଦିଆ ପଂଚାୟତ ଅଧ୍ୟକ୍ଷା ଗିତାଞଳୀ ଭୁୟାାଁ, ସଦର ବ୍ଲକ ଅଧ୍ୟକ୍ଷା ପଦ୍ମିନୀ ନାଏକ, ଜିଲ୍ଲା ପରିଷଦ ସଭ୍ୟା ଅର୍ଚ୍ଚନା ସାହୁ, ରଶ୍ମୀଶ୍ରୀ ମହାଳିକ, ପ୍ରମୁଖ ମହିଳା ନେତ୍ରୀ ମାନେ ବିଶ୍ୱ ମହିଳା ଦିବସର ଉଦେଶ୍ୟ ସଂପର୍କରେ ବିଭିନ୍ନ ଆଲୋଚନା କରିଥିଲେ । ମହିଳା ବିଜେଡ ସାଧାରଣ ସମ୍ପାଦିକା ଉର୍ବଷୀ ମହାପାତ୍ର ଧନ୍ୟବାଦ ଅର୍ପଣ କରଥିଲେ ଏବଂ ବିଜୁ ଜନତା ଦଳ ଜିଲ୍ଲା ସାଧାରଣ ସମ୍ପାଦକ ଦେବାଶିଷ ମିଶ୍ର ମଂଚ ପରଚାଳନା କରିଥିଲେ ।