କୋରାପୁଟ: ଘର ଲିପିବା ପାଇଁ ମାଟି ଆଣିବାକୁ ଯାଇଥିବା ବେଳେ ଚୂନ ମାଟି ଧସି ୩ ମହିଳାଙ୍କର ମୃତ୍ୟୁ ଘଟିବା ସଙ୍ଗେ ସଙ୍ଗେ ଜଣେ ଗୁରୁତର ଭାବେ ଆହତ ହୋଇଛନ୍ତି । ମୃତାହତ ମହିଳାମାନେ ପଟାଙ୍ଗରୀ ଥାନା ଅର୍ନ୍ତଗତ ମିଳିୱାରୀଗୁଡା ଗ୍ରାମର । ପୋଡାଗୁଡାକୁ ଚୂନମାଟି ଆଣିବାକୁ ଯାଇଥିବା ବେଳେ ଏହି ଅଭାବନୀୟ ଘଟଣା ଘଟିଥିଲା । ଗୁରୁତର ଆହତ ମହିଳାଙ୍କୁ ଚିକିତ୍ସାଲାଗି ପଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତି କରାଯାଇଛି । ଅନ୍ୟପକ୍ଷରେ ପୋଲିସ୍ ଶବ ୩ଟିକୁ ଜବତ କରି ବ୍ୟବଚ୍ଛେଦ ଲାଗିପଠାଇଛି । ଏହି ଘଟଣାଗ୍ରାମରେ ଶୋକର ଛାୟା ଖେଳାଇ ଦେଇଛି ।