ବାଲିକୁଦା: ଇଛାପୁର ପଞ୍ଚାୟତ ପାରାହାଟସ୍ଥିତ ଡିଜି ଦଣ୍ଡା ପଡିଆରେ ମା’ ଭଗବତୀ କି୍ରକେଟ ଟୁର୍ଣ୍ଣାମେଂଟ ଉଦଘାଟିତ ହୋଇଯାଇଛି । ଉଦଘାଟନ ଉତ୍ସବରେ ଉଦଘାଟକ ଭାବେ ସମାଜସେବୀ ଅଭିମନୁ୍ୟ ସ୍ୱାଇଁ ଯୋଗଦେଇ ଟୁର୍ଣ୍ଣାମେଂଟକୁ ଆନୁଷ୍ଠାନିିକ ଭାବେ ଉଦଘାଟନ କରିଥିଲେ । ପ୍ରଥମେ ମା’ଭଗବତୀଙ୍କ ନିକଟରେ ପୁଜାର୍ଚ୍ଚନା କରାଯାଇ ଟୁର୍ଣ୍ଣାମେଂଟ ଆରମ୍ଭ କରାଯାଇଥିଲା । ପ୍ରଥମ ଦିନ ମ୍ୟାଚରେ ଝାରପିଟିର ନେତାଜୀ କି୍ରକେଟ କ୍ଲବ, ଭାତପଡାର ଗାଦିବ୍ରହ୍ମ କି୍ରକେଟ ଟିମ୍ ମଧ୍ୟରେ ହୋଇଥିଲା । ଟସ୍ ଜିତି ଗାଦିବ୍ରହ୍ମ ଟିମ୍ ପ୍ରଥମେ ବ୍ୟାଟିଙ୍ଗ କରିବାର ନିଷ୍ପତି ନେଇ ନିର୍ଦ୍ଧାରିତ ୧୫ ଓଭର ଖେଳ ଶେଷ ସୁଦ୍ଧା ୭ୱିକେଟ ବିନିମୟରେ ୧୧୮ ରନ୍ ସଂଗ୍ରହ କରିଥିଲା । ଏହାର ପିଛା କରି ନେତାଜୀ କ୍ଲବ୧୨ ଓଭରରେ ୫ୱିକେଟ ହରାଇ ଆବଶ୍ୟକ ରନ୍ ସଂଗ୍ରହ କରିନେଇଥିଲା ।
ଅମ୍ପାୟାର ଭାବେ ଗଗନ ବିହାରୀ ଓ ଆଦିତ୍ୟ ସାହାଣୀ ମ୍ୟାଚ ପରିଚାଳନା କରିଥିଲେ । ଉଦଘୋଷକ ଭାବେ ଦେବେନ୍ଦ୍ର ରାଉତ ଖେଳର ଧାରା ବିବରଣୀ ପ୍ରଦାନ କରିଥିଲେ । ମୁଖ୍ୟ ପରିଚାଳକ ଭାବେ ପ୍ରଦୀପ୍ତତ ସ୍ୱାଇଁ, ଜୟପ୍ରକାଶ ନନ୍ଦ, ଭବାନି ଶଙ୍କର ପଣ୍ଡା, କୁଞ୍ଜବିହାରୀ ପଣ୍ଡା, ଆଦ୍ୟ ପ୍ରାଣ ପଣ୍ଡା ଟୁର୍ଣ୍ଣାମେଂଟ ପରିଚାଳନା କରୁଛନ୍ତି । ପୁର୍ଣ୍ଣଚନ୍ଦ୍ର ପଣ୍ଡା, ବିଦ୍ୟାବେଦାନ୍ତ ସ୍ୱାଇଁ, ରାକେଶ କୁମାର ସହାୟତା ପ୍ରଦାନ କରିଥିଲେ ।