ବ୍ୟାସନଗର: ସ୍ଥାନୀୟ କ୍ରୀଷ୍ଣା ଇନଟରନେସନାଲ ସ୍କୁଲପରିସରରେ ଜିଲ୍ଲା ଲେଖିକା ସଂସଦ ପକ୍ଷରୁ ବିଶ୍ଵ କଵିତା ଦିବସ ମହାସମାରୋହରେ ପାଳିତ ହୋଇଯାଇଅଛି। ସଭାପତି ହିରଣ୍ମୟୀ ମହାନ୍ତି ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମ ସୀମା ମିଶ୍ର ଙ୍କ ଵେଦପାଠ ରୁ ଆରମ୍ଭ ହୋଇଥିଲା। ବିକାଶ ଦାସ ବନ୍ଦେ ଉତ୍କଳଜନନୀ ଗାନ କରିଥିଲେ । କବି ରମାକାନ୍ତ ରଥ ଙ୍କ ପରଲୋକ ଗତ ଆତ୍ମା ର ସଦଗତି ନିମନ୍ତେ ଏକ ମିନିଟ ନିରବ ପ୍ରାର୍ଥନା କରାଯାଇଥିଲା। ମୂଖ୍ୟ ଅତିଥି ଭାବେ ‘ମଧୁର ଭାରତୀ’ ପ୍ରତିଷ୍ଠାତା,ସଂପାଦକ ଇ.ଲଡୁ କିଶୋର ପଢୀଆରୀ ଓ ମୂଖ୍ୟ ଵକ୍ତା ଭାବେ କ୍ରିଷ୍ଣା ଇନଟରନେସନାଲ ସ୍କୁଲ ର ପ୍ରତିଷ୍ଠାତା, ବ୍ୟାସନଗର ମହାବିଦ୍ୟାଳୟ ର ପୂର୍ବତନ ଅଧ୍ୟକ୍ଷ ଡ଼ କୁଶଚଦ୍ର ପ୍ରଧାନ ଯୋଗ ଦେଇଥିଲେ। ସମ୍ପାଦିକା ବ୍ରଜେଶ୍ବରୀ ସିଂ ଅତିଥି ପରିଚୟ ଦେଇଥିଲେ। ଡ଼ କୁଶଚଦ୍ର ପ୍ରଧାନ ତାଙ୍କ ବକ୍ତବ୍ୟ ରେ କହିଥିଲେ ଲେଖକ ଲେଖିକା ମାନେ ନିଜ ଲେଖନୀ ଚାଳନା କରି ସମାଜ ରୁ ନାରୀ ପ୍ରତି ଥିବା ଅସହିଷ୍ଣୁତା ଓ ଭେଦଭାବ ର ଵିଚାର ଦୂର କରିବା ନିମିତ୍ତ ଚେଷ୍ଟିତ ହେବା ଆବଶ୍ୟକ। ଆଜି ଵି ସମାଜ ରେ କନ୍ୟା ସନ୍ତାନ ର ଜନ୍ମ କୁ ଆଦର ର ସହ ଗ୍ରହଣ କରାଯାଉନାହିଁ। ମୂଖ୍ୟ ଅତିଥି ଇ .ଲଡୁ କିଶୋର ପଢୀଆରୀ ନିଜ ବକ୍ତବ୍ୟରେ କହିଥିଲେ ଓଡ଼ିଆ ଭାଷା ଏକ ସମୃଦ୍ଧ ଭାଷା। ପଞ୍ଚଦଶ ଶତାବ୍ଦୀରେ ସାରଳା ଦାସଙ୍କ ମହାଭାରତ ଏ ଭାଷା ର ପ୍ରାଚୀନତା ପ୍ରମାଣ କରେ। ଏସବୁ ସତ୍ତ୍ୱେ ପଡୋଶୀ ରାଜ୍ୟ ଏହାକୁ ନ୍ୟୁନ ଚକ୍ଷୁ ରେ ଦେଖୁଥିଲେ ଓ ଜଗନ୍ନାଥ ଦାସ ଙ୍କ ‘ଶ୍ରୀମଦ ଭାଗବତ’ କୁ ତେଲି ଭାଗବତ ବୋଲି କହୁଥିଲେ,ଭଞ୍ଜ ସାହିତ୍ୟ ଓଡ଼ିଆ ଭାଷା ର ଗାରିମା କୁ ବିଶ୍ଵ ଦରବାରରେ ପ୍ରମାଣିତ କରିଥିଲା। ଏହି ଅବସରରେ ଜୟନ୍ତୀ ପଢୀଆରୀ,ମିରିନା ମହାନ୍ତି, ଜୟନ୍ତୀ ଜେନା,ପ୍ରମୋଦିନୀ ଦାସ, ମଞ୍ଜୁଲତା ନାୟକ ଡ଼ ପ୍ରଜ୍ଞା ପ୍ରବର୍ତ୍ତିକା ଦାଶ, ଲବଙ୍ଗ ଲତା ପରିଡ଼ା, ଧରିତ୍ରୀ ଦାସ, ଗାୟତ୍ରୀ ନାୟକ,ଭୂଵନମୋହନ ମହାନ୍ତି, ବିଶ୍ଵନାଥ ପାଢ଼ୀ, ନବଘନ ସ୍ବାଇଁ,ରାଜା ବାରୁଣୀ କଳ୍ପରାୟ ପ୍ରମୁଖ ନିଜର ବକ୍ତବ୍ୟ ରଖିବା ସହ କଵିତା ପାଠ କରିଥିଲେ। ସମ୍ପାଦିକା ବ୍ରଜେଶ୍ବରୀ ସିଂ ଧନ୍ୟବାଦ ଅର୍ପଣ କରିଥିଲେ ।