ଯାଜପୁର,୧୯.୬ (ନି.ପ୍ର) : ମଙ୍ଗଳପୁର ଥାନା ତଥା ଦଶରଥପୁର ବ୍ଲକ ଅଧିନ ଥାଲକୁଡି ପଂଚାୟତ କସବା ଗ୍ରାମ ବାଙ୍କବଗିଚା ନାଳରୁ ସୋମବାର ସକାଳେ ମଙ୍ଗଳପୁର ପୁଲିସ ଜଣେ ଯୁବକଙ୍କ ମୃତଦେହ ଉଦ୍ଧାର କରିଛି ମୃତ ଯୁବକ ମଙ୍ଗଳପୁର ପଂଚାୟତ କାଳନ୍ଦୀ ଧଳଙ୍କ ସାନପୁଅ ପଦ୍ମଲୋଚନ ଧଳ (୩୨) ବୋଲି ଜଣା ପଡିଛିା ମୃତକ ଏକ କଳା ବ୍ୟାନିଅନ ଓ କଳା ହାପ ପ୍ୟାଂଟଣ୍ଟପିନ୍ଧି ଥିବାର ଦେଖାଯାଇଥିଲା । ସେ ମଙ୍ଗଳପୁର ବଜାରରେ ପରିବା ବ୍ୟବସାୟ କରୁଥିବା ବେଳେ ମୃତ୍ୟୁର କାରଣ ଅସ୍ପଷ୍ଟ ରହିଛି । ଗତ ସନିବାର ସନ୍ଧ୍ୟାପର ଠାରୁ ପଦ୍ମଲୋଚନ ଘରକୁ ଫେରିନଥିଲେ । ସୋମବାର ସକାଳୁ ପ୍ରଥମେ ସ୍ଥାନୀୟ କସବା ଗ୍ରାମ ଡିହସାହି ଲୋକେ ଉକ୍ତ ନାଳରେ ଯୁବକଙ୍କ ମୃତ ଦେହ ଭାସୁଥିବାର ଦେଖି ଥିଲେ । ଚାହୁଁ ଚାହୁଁ ଘଟଣା ଚାରିଆଡେ ବ୍ୟାପି ଯିବାରୁ ଘଟଣା ସ୍ଥଳରେ ଅନେକ ଦେଖଣାହାରୀଙ୍କ ଭିଡ ଜମିଥିଲା । ପରେ ମଙ୍ଗଳପୁର ଥାନାଧିକାରୀ ଅସିତ୍ ରଂଜନ ମହାନ୍ତି ସଦଳବଳେ ଘଟଣାସ୍ଥଳରେ ପହଂଚି ମୃତ୍ୟ ଯୁବକଙ୍କ ଶବ ଉଦ୍ଧାର କରି ଯାଜପୁର ମୁଖ୍ୟ ଚିକିତ୍ସାଳୟକୁ ଶବ ବ୍ୟବଚ୍ଛେଦ ପାଇଁ ପଠାଇବା ସହ ଏକ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଥିବାର ଜଣାପଡିଛିା