ବ୍ରହ୍ମପୁର ( କାଳୀ ପ୍ରସାଦ ରଥ): ଆଧୁନିକ ପରିବେଶରେ ଏବଂ ବିନା ଲାଇସେନ୍ସରେ ହେଉଥିଲା ବେଧଡକ ନିଶା କାରବାର । ବିଶେଷ କରି ଯୁବ ପିଢ଼ି ଏହାକୁ ଆକୃଷ୍ଟ ହୋଇ ଆସୁଥିବା ବେଳେ ଏହାର ଖୋଜ ଖବର ପାଇ ପାରୁନଥିଲା ପୋଲିସ । ଆଜି ପର୍ଯ୍ୟନ୍ତ ବେଧଡକ ଭାବେ ଚାଲୁଥିଲା ନିଶା କାରବାର ହେଲେ ପୋଲିସ କିପରି ସୁରାଗ ପାଈ ପାରୁନଥିଲା ତାହା ବଡ଼ ପ୍ରଶ୍ନବାଚୀ ? ବର୍ତ୍ତମାନ୍ ହଟାତ୍ କି ଭଳି ସୂଚନା ପାଇ ପୋଲିସ ରେଡ କରିଛି ? ବ୍ରହ୍ମପୁର ପୋଲିସ ଜିଲ୍ଲାରେ ବିଭିନ୍ନ ଥାନା ଅଧୀନରେ ଥିବା ବେଆଇନ ହୁକ୍କା ବାର କୁ ରେଡ କରିବା ସହ ବ୍ୟବହୃତ ହେଉଥିବା ୪୭ ମେସିନ ଏବଂ ସାମଗ୍ରୀ ଜବତ କରିବା ସହ କିଛି ନାବାଳକ ଙ୍କୁ ଉଦ୍ଧାର କରିଛି । ହେଲେ ସବୁ ଠାରୁ ବଡ଼ କଥା ହେଲା ଏହି ଘଟଣାରେ ୭ ଜଣଙ୍କୁ ନୋଟିସ ପଠେଇ ପଠାଇଥିବା ବେଳେ ବର୍ତ୍ତମାନ ସୁଦ୍ଧା କୌଣସି ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ ହୋଇଥିବା ପୋଲିସ ସୂତରୁ ଖବର ମିଳିନାହିଁ । ଏଭଳି କେମିତି ଚାଲିଛି ହୁକା ବାର ଯାହାକି ଆଧୁନିକ ଯୁବ ପିଡ଼ିକୁ ମତୁଆଲା ହେବା ସହ ପଥ ଭ୍ରଷ୍ଟ କରୁଚି ଏବଂ ତଳ ଦିନରେ ( ଡ୍ରଗସ) ଧଳା ଜହର ର ଧରପଗଡ ହୋଇଥିବା ନଜିର ମଧ୍ୟ ରହିଛି । ବର୍ତ୍ତମାନ୍ ବେଆଇନ ହୁକା କାରବାର କୁ ନେଇ ରେଶମନଗରୀ କୁ କବଳିତ କରୁଥିବା ବେଳେ , ପୋଲିସ ଆଖି ଦୃଷ୍ଟିୟା ଭଳି କାର୍ଯ୍ୟନୁଷ୍ଠାନ ନେଉ ନଥିବା ବେଳେ ଏବେ ନିଶା ବେପାରୀଙ୍କ ବଢ଼ି ଚାଲିଛି ଦୌରତ୍ମ୍ୟ !
ହୁକା ବାର ଚଳାଇବା ପାଇଁ ଷ୍ଟେଟ୍ ଏକ୍ସ ସାଇଜ ନୁହଁ ବରଂ ସେଣ୍ଟ୍ରାଲ ଏକ୍ସ ସାଇଜ ରୁ ଆଣିବାକୁ ପଡିଥାଏ ଲାଇସେନ୍ସ । କିନ୍ତୁ ତାହା ପୁଣି ଫ୍ରୁଟ୍ ଫ୍ଲେଭର୍ ପାଈ ମିଳିଥାଏ ଲାଇସେନ୍ସ । କିନ୍ତୁ ହୁକା ବାର ମାଲିକ ଏବଂ ମାଫିଆ ଗୋଷ୍ଟି ନିଜ ମନ ମୁତାବକ ବହୁ ପରିମାଣର ନିକୋଟିନ ମିଶ୍ରିତ କରି ଚଳାଇଛନ୍ତି ସେମାନଙ୍କ କଳା ସାମ୍ବ୍ରାଜ୍ୟ ।ଏଭଳି ସହରର ଅନ୍ୟ ବାରର ମଧ୍ୟ ପୋଲିସ ଆଖିରେ ଧୂଳି ଦେଇ ଆଧୁନିକ ଟ୍ରେଣ୍ଡ୍ ରେ ବେଆଇନ ଭାବେ ହୁକା ବାର ଏକ ପରମ୍ପରା ସୃଷ୍ଟି କରିଥିବା ବେଳେ ନିଶା କାରବାର ଯାହା କି ଯୁବ ପିଢ଼ିକୁ ପଥ ଭ୍ରଷ୍ଟ କରୁଛି । ଯଦି ପୋଲିସ ଆଖି ଦୃଷ୍ଟୀୟା ପଦକ୍ଷେପ ନ ନିଏ , ତାହା ହେଲେ ଆଗାମୀ ଦିନରେ ଯୁବକ ମାନେ ମତୁଆଲା ହେବା ସହ ସମାଜରେ ଆଇନଶୃଙ୍ଖଳା ପରିସ୍ଥିତି ଉପୁଜି ବାର ସମ୍ଭାବନା ରହିଛି । ବେଆଇନ ଭାବେ ଚଳାଉଥିବା ହୁକା ବାରର ମାଲିକ ଏବଂ ମାଫିଆ ମାନଙ୍କ ଉପରେ କେବେ କାର୍ଯ୍ୟାନୁଷ୍ଠାନ ନେଉଛି ତାହା ଦେଖିବାକୁ ବାକି ରହିଲା ….