ଭୁବନେଶ୍ୱର: ଧୀରେ ଧୀରେ ହ୍ରାସ ପାଇବାରେ ଲାଗିଛି କରୋନା ସଂକ୍ରମିତଙ୍କ ସଂଖ୍ୟା । ରାଜ୍ୟରେ ଗତ ୨୪ଘଂଟା ମଧ୍ୟରେ ନୂତନ ୫୧୮ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ ୨୯୭ ଜର ସଂଗରୋଧ କେନ୍ଦ୍ରରୁ ଥିବା ବେଳେ ୨୨୧ ଜଣ ସ୍ଥାନୀୟ ସଂକ୍ରମିତ ବୋଲି ଜାଣିବାକୁ ମିଳିଛି । ନୂଆ ସଂକ୍ରମିତଙ୍କୁ ମିଶାଇ ରାଜ୍ୟରେ ସମୁଦାୟ କରୋନା ଆକ୍ରାନ୍ତଙ୍କ ସଂଖ୍ୟା ୩ଲକ୍ଷ ୧୮ ହଜାର ୩୦୭ରେ ପହଞ୍ଚିଛି । ଏବେ ସୁଦ୍ଧା ସୁସ୍ଥ ହୋଇ ସାରିଲେଣି ୩ଲକ୍ଷ ୧୦ ହଜାର ୫୪୯ ଜଣ । ଏବେ ବି ସକ୍ରିୟ ଅଛନ୍ତି ୫ହଜାର ୯୭୧ ଜଣ । ଆଜି ଖୋର୍ଦ୍ଧା ଜିଲ୍ଳାରୁ ୪୦ ଜଣ ଚିହ୍ନଟ ହୋଇଥିଲା ବେଳେ ଅନୁଗୁଳରୁ ୩୬, ବାଲେଶ୍ୱରରୁ ୨୬ଜଣ, ବରଗଡରୁ ୨୪ଜଣ, ଭଦ୍ରକରୁ ୬ଜଣ, ବଲାଙ୍ଗୀରରୁ ୩୭ଜଣ, କଟକରୁ ୪୫ଜଣ, ଦେବଗଡରୁ ୧ଜଣ, ଢେଙ୍କାନାଳରୁ ୮ଜଣ, ଗଞ୍ଜାମରୁ ୧୦ ଜଣ, ଜଗତସିଂହପୁରରୁ ୧୬ଜଣ, ଯାଜପୁରରୁ ୧୮ଜଣ, ଝାରସୁଗୁଡାରୁ ୧୬ଜଣ, କଳାହାଣ୍ଡିରୁ ୬ଜଣ, କନ୍ଧମାଳରୁ ୪ଜଣ, କେନ୍ଦ୍ରାପଡାରୁ ୧୭ଜଣ, କେନ୍ଦୁଝରରୁ ୨୫ଜଣ, କୋରାପୁଟରୁ ୯ଜଣ, ମାଲକାନଗିରିରୁ ୪ଜଣ, ମୟୁରଭଞ୍ଜରୁ ୪୯ଜଣ, ନବରଙ୍ଗପୁରରୁ ୧ଜଣ, ନୂଆପଡାରୁ ୨୩ଜଣ, ପୁରୀରୁ ୧୫ଜଣ, ରାୟଗଡାରୁ ୧, ସମ୍ବଲପୁରରୁ ୧୭ଜଣ, ସୋନପୁରରୁ ୪ଜଣ, ସୁନ୍ଦରଗଡରୁ ୫୨ ଜଣ ଚିହ୍ନଟ ହୋଇଛନ୍ତି । ଏପଟେ କରୋନା ହେତୁ ପୁଣି ୪ଜଣଙ୍କ ମୃତ୍ୟୁ ।