ଯାଜପୁର,୮ ।୦୬(ନି.ପ୍ର.): ରବିବାର ମଧ୍ୟାହ୍ନରେ ଦଶରଥପୁର ବ୍ଲକ୍ ତରପଦା ପଂଚାୟତ ଡେ଼ାଭାବିଲ ଗ୍ରାମ ସ୍ଥିତ ସଙ୍ଗରୋଧ କେନ୍ଦ୍ରରୁ ଏକ ନାଗ ସାପକୁ ସ୍ନେକ୍ ହେଲପ ଲାଇନ ସଦସ୍ୟଙ୍କ ଦ୍ୱାରା ଉଦ୍ଧାର କରାଯାଇଛି । ସଙ୍ଗରୋଧ କେନ୍ଦ୍ରରେ ଅବସ୍ଥାନ କରୁଥିବା କିଛି ପ୍ରବାସୀ ନାଗସାପଟିକୁ ଗୃହ ଆଡ଼କୁ ଅଗ୍ରସର ହେଉଥିବା ଦେଖି ଭୟଭୀତ ହୋଇ ପଡ଼ିବା ସହ ସଂଗରୋଧ କେନ୍ଦ୍ର ଦାୟିତ୍ୱରେ ଥିବା ସ୍ଥାନୀୟ କର୍ତୁପକ୍ଷଙ୍କୁ ଜଣାଇଥିଲେ । ପରେ ଏ ସଂପର୍କରେ ସ୍ନେକ ହେଲପ ଲାଇନକୁ ଜଣାଇବାରୁ ହେଲପ ଲାଇନର ସଦସ୍ୟ ପ୍ରମୋଦ କୁମାର ସାହୁ ସଂଗରୋଧ କେନ୍ଦ୍ରରେ ପହଂଚି ସାପଟିକୁ ଉଦ୍ଧାର କରି ନେଇଯାଇଥିବା ଜଣାପଡ଼ିଛି ।