ତାଳଚେର: ତାଳଚେର ଟାଉନ ଥାନା ଅନ୍ତର୍ଗତ କଣ୍ଢାଳ ଗ୍ରାମ ବସଷ୍ଟାଣ୍ଡ ନିକଟସ୍ଥ ୧୪୯ ନମ୍ବର ଜାତୀୟ ରାଜପଥରେ ଏକ ଅଜଣା ଗାଡ଼ିଧକ୍କାରେ ମୃତ୍ୟୁ ହୋଇଥିବା ଜଣାପଡ଼ିଛି । ଘଟଣାରୁ ପ୍ରକାଶ ତାଳଚେର ଟାଉନ ୪ନମ୍ବର ୱାଡର଼୍ ସିଂହସାହିର ମଦନ ଦାସ (୩୮) ପରିବା ବ୍ୟବସାୟ କରିଥାନ୍ତି । ଆଜି ସକାଳ ଭୋର ୪ଟାସମୟରେ ତାଙ୍କ ସ୍କୁଟି ଯୋଗେ ଏକାକି ପରିବା ଆଣିବା ପାଇଁ ଏନଟିପିସି କଣିହାଁକୁ ଯାଉଥିଲେ । ଏହି ସମୟରେ କଣ୍ଢାଳ ବସଷ୍ଟାଣ୍ଢ ନିକଟରେ ଏକ ଅଜଣା ଗାଡ଼ି ଧକ୍କା ଦେଇଥିଲା । ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ସେଠିକାର ଅଂଚଳବାସୀ ତାଳଚେର ସରକାରୀ ଡ଼ାକ୍ତରଖାନାରେର ଭର୍ତି କରିଥିଲେ । ଏହାପରେ ତାଙ୍କର ଅବସ୍ଥା ଉଦବେଗ ଜନକ ହେବାରୁ ଅନୁଗୋଳ ସ୍ଥାନାନ୍ତରିତ କରିଥିଲେ ଏବଂ ସେଠାରୁ ତାଙ୍କୁ କଟକ ସ୍ଥାନାନ୍ତରିତ କରାଯାଇଥିଲା । ମାତ୍ର ଭାଗ୍ୟର ବିଳମ୍ବନା ସେଠାରେ ତାଙ୍କର ମୃତ୍ୟୁ ହୋଇଥିବା ପରିବାର ସୂତ୍ରରୁ ଜଣାପଡ଼ିଛି । ଏହି ଦୁଃଖଦ ଖବର ପ୍ରଚାରିତ ହେବାପରେ ସମଗ୍ର ତାଳଚେର ସହରରେର ଶୋକରଛାୟା ଖେଳିଯାଇଛି ।