ଏରସମା : ଜଗତସିଂହପୁର ଜିଲ୍ଲା ଏରସମା ବ୍ଲକ କୃଷ୍ଣଚନ୍ଦ୍ରପୁର ପଂଚାୟତ ସଭା ଗୃହରେ ସହୀଦ ଚାରିଟେବୁଲ ଟ୍ରଷ୍ଟ ପକ୍ଷରୁ ଇଂଜିନିୟର ଶ୍ୟାମସୁନ୍ଦର ସେଠୀଙ୍କ ସହଯୋଗରେ ଏକ ରକ୍ତଦାନ ଶିବିର ଓ ସ୍ୱାସ୍ଥ୍ୟ ସେବା ଅନୁଷ୍ଠିତ ହୋଇଯାଇଛି।ଉକ୍ତ ରକ୍ତଦାନ ଶିବିରରେ ଜଗତସିଂହପୁର ଉପ ଜିଲ୍ଲାପାଳ ପ୍ରଦୀପ୍ତ କୁମାର ସାହୁ, ଡିପିଆର କାମିନି ରଞ୍ଜନ ନାୟକ, ଜିଲ୍ଲା ସଂସ୍କୃତି ଅଧିକାରୀ ଦିଲ୍ଲୀପ କୁମାର ଜେନା,ଲୋକନାଥ ସାହୁ, କୃଷ୍ଣଚନ୍ଦ୍ରପୁର ସରପଞ୍ଚ ସ୍ୱର୍ଣପ୍ରଭା ଦଳାଇ, ସୁକାନ୍ତ କୁମାର ସେଠୀ ପ୍ରମୁଖ ଯୋଗଦେଇ ରକ୍ତଦାତାଙ୍କୁ ଶୁଭେଚ୍ଛା ଓ ଧନ୍ୟବାଦ ଜଣାଇଥିଲେ। ଟ୍ରଷ୍ଟର ମୁଖ୍ୟ ସହଯୋଗକାରୀ ଇଂଜିନିୟର ଶ୍ୟାମସୁନ୍ଦର ସେଠୀ କହିଥିଲେ ରକ୍ତ ଦାନ ମହତ ପୁଣ୍ୟ। ରକ୍ତ ଦବା ଦ୍ୱାରା ଅନ୍ୟର ଜୀବନ ବଞ୍ଚିବା ସହିତ ରକ୍ତଦାତାଙ୍କର ନୂତନ ରକ୍ତ ସୃଷ୍ଟି ହୋଇ ଜୀବନ ସୁନ୍ଦର ହୋଇଥାଏ। ରକ୍ତଦାତାଙ୍କ ମଧ୍ୟରେ ଜଗତସିଂହପୁର ଉପ ଜିଲ୍ଲାପାଳ ପ୍ରଦୀପ୍ତ କୁମାର ସାହୁ, ବିଜୟ କେତନ ହାତୀ- ଜିରାଇଲୋ, ହେମତ କୁମାର ସାହୁ- କିମିଲୋ, ଲୋକନାଥ ମହାନ୍ତି- କୃଷ୍ଣଚନ୍ଦ୍ରପୁର, ଧନଞ୍ଜୟ ରାୟ- ଏରସମା ସମେତ ପଚିଶ ୟୁନିଟ ରକ୍ତ ସଂଗ୍ରହ ହୋଇଥିଲା।