ବିଂଝାରପୁର୧୮.୬ (ନି.ପ୍ର.): ବିଂଝାରପୁର ଥାନା ସୟଦପୁର ପଞ୍ଚାୟତ ପିରା ମହଲ୍ଳା ଓ ମୋଗଲ ମହଲ୍ଳା ଗ୍ରାମବାସୀଙ୍କ ମଧ୍ୟରେ ଘଟିଥିବା ଗୋଷ୍ଠୀ ସଂଘର୍ଶରେ ବିଂଝାରପୁର ପୋଲିସ ପୃଥକ ପୃଥକ ୨ଟି ମାମଲା ରୁଜୁ କରିବା ସହ ଉଭୟ ପକ୍ଷଙ୍କ ତରଫର ୨ଜଣଙ୍କୁ ଗିରଫ କରିଥିବା ଜଣାପଡିଛି । ଘଟଣାରୁ ପ୍ରକାଶ ଯେ ମୋଗଲ ମହଲ୍ଲା ଗ୍ରାମର ହାରୁନ ଖାଁଙ୍କ ଏକ ଚିପ୍ସ ଗାଡି ଆସିବା ସମୟରେ ପିରା ମହଲ୍ଲା ରଂସ୍ତା ଦବିବାକୁ ନେଇ ପିରା ମହଲ୍ଲା ଗ୍ରାମ ବାସୀ ଓ ହାରୁନଙ୍କ ପରିବାର ମଧ୍ୟରେ ଗଣ୍ଡଗୋଳ ହେଇଥିଲା । ଉଭୟ ପକ୍ଷ ତରଫରୁ ୮ଜଣ ଆହତ ହୋଇ ଯାଯପୁର ମୂଖ୍ୟ ଡାକ୍ତରଖାନାରେ ଭର୍ତି ହୋଇଥିଲା ବେଳେ ଜଣେ ଗୁରୁତର ଅବସ୍ଥାରେ କଟକ ସ୍ଥିତ ଏସସିବିରେ ଚିକିତ୍ସିତ ହେଉଛନ୍ତି । ଅଭିଯୋଗ ଆଧାରରେ ବିଂଝାରପୁର ଆଇଆଇସି ଶିବଚରଣ ବେହେରା ୧୬୦/୨୦ ଓ ୧୬୧/୨୦ ରେ ୨ଟି ପୃଥକ ମାମଲା ରୁଜୁ କରିବା ସହ ରମଜାନ ଖାଁ ସ ସିରାଜ ଖାଁ ଙ୍କୁ ଗିରଫ କରିଛନ୍ତି ।