ରାୟଗଡା – ଜେ.କେ.ପୁର ପୋଲିସ ରିଜର୍ଭ ପଡିଆ ଠାରେ ୫୮ତମ ହୋମଗାର୍ଡ ପ୍ରତିଷ୍ଠା ଦିବସ ମହାସମାରୋହରେ ପାଳିତ ହୋଇଯାଇଅଛି । ରାୟଗଡା ଜିଲ୍ଲା ଆରକ୍ଷୀ ଅଧିକ୍ଷକ ଡ.ଶ୍ରବଣା ବିବେକ ଏମ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଅନ୍ୟ ମାନଙ୍କ ମଧ୍ୟରେ ରାୟଗଡା ଏସଡିପିଓ ତପନ ନାରାୟଣ ରଥ, ରାୟଗଡା ଥାନା ଅଧିକାରୀ ନିହାର ରଂଜନ ପ୍ରଧାନ, ଚାନ୍ଦିଲି ଥାନା ଅଧିକାରୀ ରଶ୍ମିରଂଜନ ପ୍ରଧାନ ପ୍ରମୁଖ ଉପସ୍ଥିତ ଥିଲେ । ରାୟଗଡା ଜିଲ୍ଲାରେ କାର୍ଯ୍ୟରତ ୩୧୪ ଜଣ ହୋମଗାର୍ଡ ତାଙ୍କ ଦାୟିତ୍ୱ ସୂଚାରୁରୂପେ ପରିଚାଳନା କରୁଥିବାରୁ ଜିଲ୍ଲା ଆରକ୍ଷୀ ଅଧିକ୍ଷକ ଖୁସି ବ୍ୟକ୍ତ କରିଥିଲେ । କୋଭିଡ ସମୟରେ ହୋମଗାର୍ଡ ମାନଙ୍କ ଭୂମିକା ବେଶ୍ ଗୁରୁତ୍ୱପୂର୍ଣ୍ଣ ଥିଲା ବୋଲି ଏସ.ପି ପ୍ରକାଶ କରିଥିଲେ । ୧୬ ଜଣ କୋଭିଡ୍ ଯୋଦ୍ଧାଙ୍କୁ ଏସ.ପି ସମ୍ମାନୀତ କରିଥିଲେ । ବର୍ତମାନ ରାୟଗଡା ସହରରେ ୯୨ ଜଣ ହୋମଗାର୍ଡ କାର୍ଯ୍ୟରତ ଥିବା ବେଳେ ଜିଲ୍ଲାରେ ୩୧୪ ଜଣ ଅଛନ୍ତି ।