ବାଲିକୁଦା: ବାଲିକୁଦା ଥାନା ଅନ୍ତର୍ଗତ ବୋରିକିନା ପଞ୍ଚାୟତ ଓଳାଷ (ଗÿଙ୍ଗାଧରପୁର) ଗାଁରୁ ୧୫ ପେଟି ବିଦେଶୀ ମଦ ସହିତ ଦୁଇଟି ଚାରି ଚକିଆ ଯାନକୁ ଜବତ କରିଛି ବାଲିକୁଦା ପୁଲିସ । ମଦ ଦୋକାନରେ କାମ କରୁଥିବା ଜଣେ କର୍ମଚାରୀ୰ଙ୍କର ଏହି ଦୁଇଟି ଗାଡ଼ି ବୋଲି ଜାଣିବାକୁ ମିଳିଥିବା ବେଳେ ଗାଡ଼ି ଚାଳକଙ୍କ ଘର ସମ୍ମୁଖରୁ ଉକ୍ତ ମସ ଓ ଗାଡି ଜବତ କରାଯାଇଛି । କୌଣସି ସୂତ୍ରରୁ ବାଲିକୁଦା ପୁଲିସ ଖବର ପାଇ ଘଟନା ସ୍ଥଳରେ ପହଞ୍ଚି ମଦକୁ ଜବତ କରିଥିଲା । ହେଲେ ସେହି ଗାଡ଼ି ଚାଳକ ଆନନ୍ଦ ଦାସ ପୁଲିସକୁ ଦେଖି ଫେରାର୍ ହୋଇଯାଇଥିଲା । ମାତ୍ର ମଦ ଥିବା ଓଆର୦୫ଏଏ ୬୭୯୬ ବିଶିଷ୍ଟ ବୋଲେରୋ ଓ ଓଆର୦୨ଏଡବ୍ଳୁ୍ୟ ୩୬୩୭ ନମ୍ବର ବିଶିଷ୍ଟ ଇଣ୍ଡିକା କାରରୁ ଏହି ୧୫ ପେଟି ବିଦେଶୀ ମଦ ଜବତ କରାଯାଇଛି । ଆନନ୍ଦର ଘର ଚୋରା ମଦ ଗୋଡ଼ାଉନ ସାଜିଛି । ଏଠାରେ ମଦ ରଖି ମଦ ଦୋକାନର ସେହି ସେଲ୍ସ ମ୍ୟାନ ଜଣକ ଚୋରା ମଦ ବେପାର ଚଳାଇ ଆସୁଥିଲେ । ଜଣେ ଗାଡ଼ି ଚାଳକଙ୍କ ଘରୁ ଏତେ ପରିମାରଣର ମଦ ମିଳିବା ମଧ୍ୟ ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରିଛି । ଅନ୍ୟ ପକ୍ଷରେ ବାଲିକୁଦା ଅଞ୍ଚଳରେ ଦୁଇଟି ଠିପି ଖୋଲା ଓ ଗୋଟିଏ ଠିପି ବନ୍ଦ ମଦ ଦୋକାନ ଥିବା ବେଳେ ଜନେ କର୍ମଚାରି ବାହାରୁ ମଦ ଆଣି ପୁଲିସକୁ ମୋଟା ଅଙ୍କର ହାତ ଗୁା ଦେଇ ନିଜର କଳା କାରନାମା ଚଲାଇ ଆସୁଥିବା ଘଟନା ଏବେ ପଦାକୁ ଆସିଛି । ଅନ୍ୟ ପକ୍ଷରେ ଏହା ନକଲି ମଦ ମଧ୍ୟ ବୋଲି କେହି କେହି କହୁଛନ୍ତି । ଏହା ତଦନ୍ତ କରାଗଲେ ପ୍ରକୃତ ତଥ୍ୟ ଜଣା ପଡି ପାରନ୍ତା । ଅନ୍ୟ ପକ୍ଷରେ ଏହି କର୍ମଚାରୀ ଜଣକ ମଧ୍ୟ ଏଠାରୁ ଜିଲ୍ଲା ବାହାରକୁ ମଦ ୍ୋଗାଉଥିବା କତାକୁ ଏଡାଇ ଦିଆ ଯାଇ ନପାରେ । ମଦ ଦୋକାନରେ ଚାକିରି କରିଥିବା କାରଣରୁ ବହୁ କୁଚିଆଙ୍କ ସହ ସମ୍ପର୍କ ଯୋଡ଼ି ଏହି କର୍ମଚାରୀ ଜଣକ ବେପାର ଚଲାଇ ଆସୁଥିବା ଏବେ ସ୍ପଷ୍ଟ ହୋଇଛି । ତେବେ ଚୋରା ମଦ ବେପାରର ଏହି ମାଷ୍ଟର ମାଇଣ୍ଡକୁ ପୁଲିସ ଗିରଫ କରି ନାହିଁ । କେଉଁ କାରଣରୁ ପୁଲିସ ସମ୍ପୃକ୍ତ ମାଷ୍ଟର ମାଇଣ୍ଡକୁ ଘଣ୍ଟ ଘୋଡାଉଛି ତାହା ଉଚ୍ଚ ପଦସ୍ଥ ଅଧିକାରୀ ତଦନ୍ତ କରିବାର ଆବଶ୍ୟକତା ଜରୁୀ ହୋଇ ପଡିଛି । ତେବେ ଏହି ମଦ କେଉଁଠୁ ଅଣା ଯାଇଛି ତାହାର କୌଣସି ସଠିକ ତଥ୍ୟ ମିଳି ପାରି ନାହିଁ । ଯାହା ପୁଲିସ ତଦନ୍ତ ଚଳାଇଛି ।