ଯୋଡ଼ା: ଯୋଡ଼ା ଥାନା ବିଲେଇପଦା ଫାଣ୍ଡି ଅନ୍ତର୍ଗତ ଝାତଖଣ୍ଡ ସୀମାନ୍ତ ପୁରଷୋତମପୁର ଠାରେ ଗତକାଲି ବିଳମ୍ବିତ ରାତିରେ ପୋଲିସ ଚଢ଼ଉ କରି ପ୍ରାୟ ୨୦ଟନ୍ ଲୁହାପଥର ଜବତ କରିବା ସହିତ ଘଟଣାରେ ସଂପୃକ୍ତ ଅଭିଯୋଗରେ ୭ ଜଣଙ୍କୁ ଗିରଫ କରିଛି । ଏହା ସହିତ ଦୁଇଟି ଡମ୍ପରଳ, ଗୋଟିଏ ଜାଇଲୋ, ଗୋଟିଏ ବାଇକ ଏବଂ ୮ଟି ମୋବାଇ ଜବତ କରିଛି । ଗିରଫ ବ୍ୟକ୍ତିମାନେ ହେଲେ ବଡ଼ବିଲର ଟୁନା ମହାନ୍ତ, ସାଗର ମୁଣ୍ଡା, ମୁକେଶ ମହାନ୍ତ, ଅମର ରଜକ, ହେମନ୍ତ କୁମାର ମହାନ୍ତ, ପରମଜିତ ସିଂହ, ଝାଡଖଣ୍ଡ ରାଜ୍ୟ ଜଗନ୍ନାଥପୁର ଗ୍ରାମର ଯୁଗଳ କିଶୋର ମହାନ୍ତ । ପୋଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଦେଓଝର ରେଳସାଇଡ଼ିଂର ୨ଟି ଡମ୍ପର (ଓଆର୦୪ବି-୯୪୮୩ ଓ ଓଆର ୧୪ ଏଲ – ୨୭୮୩) ଲୁହାପଥର ନେଇ ଝାଡ଼ଖଣ୍ଡ ଯାଉଥିଲା । ରାତି ପ୍ରାୟ ଗୋଟିଏ ବେଳେ ଝାଡଖଣ୍ଡ ସୀମାନ୍ତରେ ପୋଲିସ ଚଢ଼ଉ କରିଥିଲା । ଚଢ଼ାଉ ସମୟରେ ଲୁହାପଥର ବୋଝେଇ ଡମ୍ପର ସହିତ ଅଭିଯୁକ୍ତ ବ୍ୟବହାର କରିଥିବା ଏକ ଜାଇଲୋ ଗାଡି (ଓଆର ୦୯ଏନ୍-୮୭୯୭, ଏକ ବାଇକ ନଂ ଜେଏଚ୍ ୦୬ଏଲ୍-୨୪୬୯) ଓ ୮ ଗୋଟି ମୋବାଇଲ ପୋଲିସ ଜବତ କରିଛି । ଏ ନେଇ ଯୋଡ଼ା ଥାନାରେ ୧୧୪/୨୦ରେ ଏକ ମାମଲା ରୁଜୁ କରାଯାଇଥିବା ଥାନା ଅଧିକାରୀ ରାଇଦେନା ମୁର୍ମୁ ପ୍ରକାଶ କରିଛନ୍ତି ।