ଯୋଡା: କେନ୍ଦୁଝର ଜିଲ୍ଲା ଯୋଡା ଥାନା ବିଲେଇପଦା ଫାଣ୍ଡି ଅନ୍ତର୍ଗତ ଇଙ୍ଗାନୀ ଝରଣ ଠାରେ ଥିବା ଏକ ବନ୍ଦ ଖଣିରୁ ଚୋରା ମାଙ୍ଗାନିଜ ଏକ ୧୪ ଚକିଆ ଟ୍ରକରେ ମାଫିଆ ମାନେ ଲୋଡ କରୁଥିବା ସମୟରେ ବିଲେଇପଦା ଫାଣ୍ଡି ଅଧିକାରୀ ଏସ.କେ.ଆଜାରୁଦ୍ଧିନ ନିର୍ଭରଯୋଗ୍ୟ ସୂତ୍ରରୁ ଖବର ପାଇ ଅଚାନକ ଚଢାଉ କରିଥିଲେ । ସେହି ଚଢାଉରେ ଏମ.ଡି.ଆରିବ ଓରଫ ଛୋଟୁ (୨୬) ଓ ଦୀପକ କିସପୋଟା (୨୯) ନାମକ ୨ଜଣ ମାଫିଆ ଏମ.ଡି.ଆରବି (୨୧) ନାମକ ଟ୍ରକ ଡ୍ରାଇଭରକୁ ଘଟଣାସ୍ଥଳରୁ ଗିରଫ କରାଯାଇଥିବା ବେଳେ ପ୍ରାୟ ୧ ରୁ ୨ ଟନ୍ ବୋଝେଇ ହୋଇଥିବା ଚୋରା ମାଙ୍ଗାନିଜ ସହ ଓଆର-୧୬ଡି-୮୪୪୭ ନମ୍ବର ଟ୍ରକଟିକୁ ମଧ୍ୟ ଜବତ କରାଯାଇଥିବା ନେଇ ଘଟଣାର ତଦନ୍ତ ଅଧିକାରୀ କିଶୋର ଚନ୍ଦ୍ର ପାତ୍ର ସୂଚନା ଦେଇଛନ୍ତି । ଡ୍ରାଇଭର ସମେତ ଗିରଫ ୩ ଅଭିଯୁକ୍ତ ବଡବିଲ ଅଞ୍ଚଳର । ଅଭିଯୁକ୍ତ ମାନଙ୍କୁ ସୋମବାର କୋର୍ଟ ଚାଲାଣ କରାଯାଇଛି । ଏଠାରେ ସୂଚନାଯୋଗ୍ୟ,ଗତ ୧୩ ଜୁଲାଇରେ ଦେଓଝର ଅଞ୍ଚଳରୁ ଚୋରା ଖଣିଜ କାରବାରରେ ଘଟଣାରେ ୭ଜଣଙ୍କୁ ଗିରଫ କରିଥିଲା । ରାସ୍ତା ଜାମ ଏବଂ କରୋନା ସମୟରେ ଆର୍ଥକ ସ୍ଥିତିକୁ ନଜରରେ ରଖି ଏହାକୁ ଏକ ସୁଯୋଗ ଭାବି ମାଫିଆ ମାନେ ଲୁହାପଥର ଓ ମାଙ୍ଗାନିଜ ଚୋରା କାରବାର ଆଡକୁ ନଜର ଦେଉଥିବା ସାଧାରଣରେ ଚର୍ଚ୍ଚା ।