ଯାଜପୁର : ମଂଗଳପୁର ଥାନା ଅଧିନ କୟାଁଗୋଲା ସେତୁ ଉପରୁ ପାଣିକୋଇଲି ଥାନା ଅନ୍ତର୍ଗତ ମାଧପୁର ଗ୍ରାମ ଗୌତମ ଦାସଙ୍କ ଠାରୁ ଟଙ୍କା ଓ ମୋବାଇଲ ଛଡାଇ ନେବା ଘଟଣାରେ ପୁଲିସ ୪ ଜଣକୁ ଗିରଫ କରି କୋର୍ଟ ଚାଲାଣ କରିଛି । ସୂଚନା ମୁତାବକ ଗତ ୨୩ ତାରିଖ ଦିନ ପାଣିକୋଇଲି ଥାନା ମାଧପୁର ଅଂଚଳର ଏକ ୪୦୭ ଇଟ୍ଟା ବୋଝେଇ ଗାଡିକୁ କୟାଁଗୋଲା ସେତୁ ଉପରେ ଅଟକାଇ ଚାଳକ ଗୌତମଙ୍କ ପାଖରୁ କିଛି ଦୁବୁର୍ତ ଗାଡି ଚାବି ଛଡାଇନେବା ସହିତ ୧୨ହଜାର ୪୦୦ଟଙ୍କା ଏବଂ ମୋବାଇଲ ଛଡ଼ାଇ ନେଇ ଫେରାର ହୋଇଯାଇଥିଲେ । ଘଟଣାକୁ ନେଇ ଗାଡ଼ି ଚାଳକ ଗୈାତମ ମଙ୍ଗଳପୁର ଥାନାରେ ଲିଖିତ ଅଭିଯୋଗ କରିଥିଲେ । ଏନେଇ ଥାନା ପକ୍ଷରୁ ୩୦୫/୨୦ରେ ଦଫା ୩୯୪ରେ ମାମଲା ରୁଜୁ କରି ତଦନ୍ତ ଜାରି ରଖିଥିବା ବେଳେ ଗତକାଲି କୟାଁ ପଂଚାୟତ ଇଚ୍ଛାପୁର ଗ୍ରାମର ନରୋତମ ନାୟକ, ମାନସ ପଲାଇ, ସିପୁ ସାହାଣି, ଅଭିମନ୍ୟୁ ସାହାଣି ୪ଜଣ ଯୁବକକୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ।